थॉरच्या भूमिकेतून लोकप्रिय झालेला हॉलिवूड अभिनेता क्रिस हेम्सवर्थ मेन इन ब्लॅक या चित्रपटात दिसणार आहे. हा चित्रपट १४ जूनला प्रेक्षकांच्या भेटीला येणार आहे. क्रिस फक्त त्याच्या चित्रपटामुळे नाही तर आणखीन एका कारणामुळे चर्चेत आहे. याचे कारण आहे त्याच्या मुलीचे नाव. खरंतर क्रिसच्या मुलीचं नाव इंडिया आहे. तिच्या नावामुळे सध्या क्रिस चर्चेत आहे. नुकत्याच एका मुलाखतीत क्रिसने मुलीचे नाव इंडिया ठेवण्यामागचा खुलासा केलाय.
आईएएनएसला दिलेल्या एका मुलाखतीत क्रिसने त्याच्या मुलीचे नाव इंडिया ठेवण्यामागचे कारण त्याची पत्नी एल्सा पातकी सांगितले. तो म्हणाला की, माझ्या पत्नीने बराच कालावधी भारतात व्यतित केला आहे आणि त्याच कारणामुळे मी माझ्या मुलीचे नाव इंडिया ठेवलंय.
क्रिसने सांगितले की, दिग्दर्शकाने कट म्हटले की चाहते जोराजोरात चीअर्स करायचे ते मला खूप आवडले.