बॉलिवूडची देसी गर्ल अभिनेत्री प्रियांका चोप्रा (Priyanka Chopra) काही महिन्यांपूर्वी सरोगसीच्या माध्यमातून आई झाली होती. प्रियांकाने २०१८ साली हॉलिवूडचा प्रसिद्ध गायक निक जोनाससोबत लग्न केले. प्रियांका आणि निकची मुलगी मालती मेरी चोप्रा जोनासचा जन्म यावर्षी १५ जानेवारी रोजी सरोगसीद्वारे झाला. प्रियांका आई होण्याबद्दल चाहत्यांनाही खूप उत्सुकता होती. अभिनेत्री वेळोवेळी चाहत्यांना तिच्या मुलीची झलकही दाखवताना दिसत आहे. चाहत्यांना मालतीचा चेहरा अजून नीट पाहता आला नसला तरी तिच्या या फोटोला पसंती मिळताना दिसते आहे.
नुकतेच प्रियांकाने तिच्या इंस्टाग्राम अकाउंटवरून एक फोटो शेअर केला आहे. हा फोटो प्रियांका चोप्रा आणि तिची बेस्ट फ्रेंड तमन्ना दत्तच्या डे आऊटचा आहे. फोटोमध्ये प्रियांका मुलगी मालतीसोबत दिसत आहे, तर तमन्नाही तिच्या मुलासोबत दिसत आहे. हा फोटो शेअर करत प्रियांकाने कॅप्शनमध्ये लिहिले की, "आमच्या मित्राला २२ वर्षे झाली आहेत आणि अजूनही मोजणी सुरू आहे... पण आता आमची मुले एकत्र आहेत... लव्ह यू तमन्ना दत्त."