स्टार प्रवाह वाहिनीवरील ‘रंग माझा वेगळा’ मालिकेचे कथानक अतिशय उत्कंठावर्धक वळणावर येऊन पोहोचले आहे. आता या मालिकेत मोठा ट्विस्ट येणार आहे. सौंदर्याचे कारस्थान कार्तिक समोर येणार आहे. हा महाएपिसोड २० सप्टेंबरला दुपारी १२ वाजता आणि संध्याकाळी ७ वाजता पहायला मिळणार आहे.
रंग माझा वेगळा मालिकेत काळ्या रंगाचा द्वेष करणारी सौंदर्या दीपाचाही तिरस्कार करते. कार्तिकचं दीपावर प्रेम आहे हे कळल्यापासून ते दोघे कसे एकत्र येणार नाहीत याची सौंदर्याने पुरेपुर काळजी घेतली. कार्तिकच्या मनाचा जराही विचार न करता ऐन लग्नातही सौंदर्याने कारस्थान रचत कार्तिकचं लग्न दीपाऐवजी श्वेताशी करण्याचा डाव रचला. अर्थात लावण्यामुळे सौंदर्याचा हा डाव उधळला गेला आणि सौंदर्याच्या घरात दीपाने सून म्हणून पाऊल ठेवलं. पण सौंदर्याचं सूडचक्र इथेही थांबलं नाही.