आदेश बांदेरकांचा मुलगा सोहम बांदेकर आणि टीव्ही अभिनेत्री पूजा बिरारी लवकरच लग्नबंधनात अडकणार आहेत. त्यांच्या लग्नापूर्वीच्या विधींना सुरुवातही झाली आहे. कालच पूजाच्या हातावर सोहमच्या नावाची मेहंदी रंगली. पूजाने खास पोस्ट करत आणि सोहमला टॅग करत मेहंदीचे फोटो शेअर केले आहेत. तिच्या पोस्टवर सोहमनेही कमेंट केली आहे.
'येड लागलं प्रेमाचं' फेम पूजा बिरारी आणि सोहम बांदेकर यांच्या लग्नाची गेल्या अनेक दिवसांपासून चर्चा होती. आता त्यांची लगीन घटिका समीर आल्याचं दिसत आहे. कालच पूजाच्या हातावर सुंदर मेहंदी काढण्यात आली. हिरव्या रंगाचा भरजरी घागरा, कानात लांब झुमके या लूकमध्ये पूजा कमालीची सुंदर दिसत आहे. पूजाने हे सुंदर फोटो तिच्या इन्स्टाग्रामवर शेअर केले आहेत. मेहंदी सोहळ्यानंतर तिचा आणि सोहमचा व्हिडीओ कॉलही झाला. 'सेहरा सजा के रखना! मेहंदी डे, मजा...' असं कॅप्शन तिने फोटोंना दिलं आहे. तसंच होणाऱ्या अहोंना टॅगही केलं आहे.
पूजाच्या या फोटोंवर सोहमने कमेंट करत लिहिले, 'बापरे! किती सुंदर'. होणाऱ्या नवरीच्या सौंदर्यावर नवरदेवही भाळला आहे. तसंच इतर कलाकार आणि चाहत्यांनीही पूजाच्या फोटोंवर कमेंट्सचा वर्षाव केला आहे. पूजा आणि सोहमच्या लग्नाची तारीख मात्र अद्यापही गुलदस्त्यातच आहे.
पूजा बिरारीने आजवर अनेक लोकप्रिय मालिकांमध्ये काम केलेलं आहे. सध्या स्टार प्रवाहवरील 'येड लागलं प्रेमाचं' या मालिकेत काम करताना दिसते आहे. याशिवाय 'स्वाभिमान', 'साजणा' या मालिकांमध्येही ती दिसली होती. तर सोहम बांदेकर निर्माता आहे. त्यांचं 'बांदेकर प्रोडक्शन्स' आहे. 'ठरलं तर मग'ही लोकप्रिय मालिकेची निर्मिती सोहम करत आहे.
Web Summary : Adesh Bandekar's son, Soham, and actress Pooja Birari are set to marry. Pre-wedding rituals began with Pooja's mehndi ceremony. Soham was captivated by Pooja's beauty. The couple's wedding date is yet to be revealed. Pooja is known for her roles in popular TV serials.
Web Summary : आदेश बांदेकर के बेटे सोहम और अभिनेत्री पूजा बिरारी जल्द ही शादी के बंधन में बंधने वाले हैं। शादी से पहले की रस्में पूजा की मेहंदी के साथ शुरू हुईं। सोहम, पूजा की सुंदरता से मोहित हो गए। जोड़े की शादी की तारीख अभी सामने आनी बाकी है। पूजा टीवी धारावाहिकों में अपनी भूमिकाओं के लिए जानी जाती हैं।