इंडियन आयडॉल १२ मधून नुकताच बाहेर पडलेला स्पर्धक सवाई भटचे नवीन गाणे सांसेला प्रेक्षकांचा चांगला रिस्पॉन्स मिळतो आहे. या गाण्याला काही दिवसात १५ मिलियनहून जास्त व्ह्युज मिळाले आहेत आणि या गाण्याने पवनदीप राजन- अरूणिता कांजिलालचे गाणे तेरे बगैरलाही मागे टाकले आहे. नुकताच या गाण्यावर इंडियन आयडॉल १०चा विजेता सलमान अलीने इमोशनल व्हिडीओ शेअर केला होता आणि आता या सीझनचा सिंगर मोहम्मद दानिशने इमोशनल व्हिडीओ शेअर केला आहे. या व्हिडीओत तो रडताना दिसतो आहे.
सवाई भटचे नुकतेच सांसे हे गाणे प्रदर्शित झाले आहे आणि या गाण्याला प्रेक्षकांचा खूप चांगला रिस्पॉन्स मिळतो आहे. हे गाणे सोशल मीडियावर व्हायरल होताना दिसत आहे.
छोट्या पडद्यावरील लोकप्रिय सिंगिग रिएलिटी शो इंडियन आयडॉल १२ अंतिम टप्प्यात पोहचला आहे. या आठवड्यात शोमध्ये आशा भोसले पाहुण्या म्हणून उपस्थिती लावताना दिसणार आहे. तसेच निर्माते या सीझनच्या ट्रॉफीचे अनावरणदेखील केले आहे. ट्रॉफीची पहिली झलक सोशल मीडियावर पहायला मिळते आहे.
ही ट्रॉफी पाहून या शोमधील स्पर्धकांचा उत्साह आणखीन वाढला आहे. तर प्रेक्षकदेखील या शोमध्ये कोण बाजी मारतो हे पाहण्यासाठी उत्सुक झाले आहेत.