CIDच्या अभिजीतने दुसऱ्यांदा बांधली लग्नगाठ? दोन मुलींचे वडील असताना 'या' व्यक्तीसोबत नव्या आयुष्याला सुरुवात

Abhijeet Srivastava : CID मालिकेत इन्स्पेक्टर अभिजीतची भूमिका साकारणारा आदित्य श्रीवास्तवचा एक व्हिडीओ सोशल मीडियावर व्हायरल झाला आहे, ज्यामुळे तो चर्चेत आला आहे.

छोट्या पडद्यावरील सीआयडी (CID) मालिका प्रेक्षक खूप आवडीने पाहतात. या शोचे प्रेक्षकांच्या मनात एक वेगळे स्थान आहे. विशेषतः ९० च्या दशकातील जी मुले ही मालिका पाहत मोठी झाली आहेत, त्यांच्यासाठी हा शो खूप खास आहे. या शोमधील सर्वच कलाकारांना लोक खूप पसंत करतात. इन्स्पेक्टर अभिजीतची भूमिका साकारणारा आदित्य श्रीवास्तव आजही या शोमधील आवडत्या कलाकारांपैकी एक आहेत.

नुकताच नवरदेवाच्या वेशातील आदित्य श्रीवास्तवचा एक व्हिडीओ सोशल मीडियावर व्हायरल झाला आहे, ज्यामुळे तो चर्चेत आला आहे. हा व्हिडीओ पाहिल्यानंतर काही लोकांना असे वाटत आहे की, अभिजीत लग्न करत आहेत. पण, या व्हायरल व्हिडीओमागील सत्य काय आहे, हे जाणून घेऊयात. मिळालेल्या माहितीनुसार, आदित्य श्रीवास्तव यांचं लग्न अनेक वर्षांपूर्वी झाले आहे. त्यांना आरुषी आणि अद्विका या दोन मुली आहेत. 

सोशल मीडियावर जो व्हिडीओ व्हायरल होत आहे, त्यात आदित्य श्रीवास्तवची पत्नी मानसी श्रीवास्तव देखील उपस्थित आहे. अभिजीत हा नवरदेवाचा पोशाख परिधान करून लग्न करत नसून, तो त्यांची २५व्या लग्नाचा वाढदिवस साजरा करत आहे. व्हायरल झालेला व्हिडीओ त्यांच्या २५व्या अॅनिव्हर्सरी सेलिब्रेशनचा आहे, जिथे ते कुटुंब आणि जवळचे लोक दिसत आहेत. आदित्य श्रीवास्तवने पत्नी मानसी श्रीवास्तवसोबत २००३ मध्ये लग्न केले होते. त्यांनी २२ नोव्हेंबर रोजी त्यांच्या लग्नाचा वाढदिवस साजरी केला. या वेळी अभिजीत आणि मानसी दोघेही खूप सुंदर दिसत होते.

CID व्यतिरिक्त आदित्य श्रीवास्तवला 'कालो', 'भक्षक' आणि 'सुपर ३०' यांसारख्या चित्रपटांमध्येही पाहिले गेले आहे. 'टाइम्स ऑफ इंडिया'ला दिलेल्या एका मुलाखतीत आदित्यने सांगितले होते की, त्याने कोणतीही भूमिका केली तरी लोक त्याला इन्स्पेक्टर अभिजीतच्या भूमिकेतच ओळखतात.