बिग बॉस मराठीच्या दुसऱ्या पर्वाची सर्वजण आतुरतेने वाट पाहत होते आणि नुकताच हा रिएलिटी शो प्रेक्षकांच्या भेटीला आला आहे. या शोला प्रेक्षकांचा चांगला प्रतिसाद मिळतो आहे. तर दुसरीकडे बिग बॉसच्या घरातील सदस्य घरांमध्ये हळूहळू सेटल होत आहेत. या सीझनमधील टेलिव्हिजनवर पहायला न मिळालेल्या गोष्टी वूट या अॅपवर 'अनसीन अनदेखा' भाग पहायला मिळणार आहे.
लावणी सम्राज्ञी सुरेखा पुणेकर या स्‍पर्धकांपैकी एक आहेत. त्‍या अभिनेता विद्याधर जोशी यांना तमाशा आणि लावणी या नृत्‍यप्रकारांमधील फरक सांगताना पहायला मिळाल्या. सुरेखाजींचा प्रशंसक असल्‍यामुळे विद्याधर म्‍हणतो की, त्‍याला दोन्‍ही नृत्‍य प्रकारांच्‍या फरकाबाबत काहीच माहित नव्‍हते आणि तो दोघांमधील फरक कधीच जाणू शकला नाही.
तो नृत्‍य पाहण्‍याचा पण ते फारसे न आवडण्‍याच्‍या त्‍यांच्‍या अनुभवाबाबत सांगतो. सुरेखाजी त्‍यांची दुविधा दूर करत म्‍हणाल्‍या, ''तो तमाशा असेल. तमाशा आणि लावणी वेगळी असते. त्‍यात तमाशा आणि लावणीमध्‍ये जमीन आस्‍मानाचा फरक आहे.'' असे वाटते की, विद्याधर सुरेखा यांच्‍या स्‍पष्‍टीकरणानंतर लावणी नृत्‍यप्रकाराबाबत भारावून गेले आहेत.