टेलिव्हिजनवरील प्रसिद्ध अभिनेत्री श्वेता तिवारी आणि तिचा घटस्फोटीत नवरा अभिनव कोहली यांच्यातील वाद काही संपायचे नाव घेत नाही. दोघेही एकमेकांवर आरोप-प्रत्यारोप करण्याची संधी सोडत नाहीत. श्वेताने अभिनववर कौटुंबिक हिंसाचाराचे आरोप केले होते. यावर तिच मला दांड्याने मारायची असा आरोप अभिनवने केला होता. आता पुन्हा एकदा अभिनवने श्वेतावर गंभीर आरोप केले आहेत. माझी मुलं घरात एकटी आहेत आणि ही दक्षिण आफ्रिकेत मजा मारतेय, असा आरोप त्याने केला आहे.
अभिनव कोहलीने इंस्टाग्रामवर एक व्हिडीओ शेअर केला आहे. ज्यात तो श्वेतावरील राग व्यक्त करताना दिसतो आहे. या व्हिडीओत त्याने म्हटले की, “स्त्रियांच्या सुरक्षिततेसाठी विशेष कायदे आहेत. पण आता पुरुषांसाठी देखील अशा कायद्यांची गरज निर्माण झाली आहे. हे कायदे पुरुषांवर होणाऱ्या खोट्या आरोपांपासून त्यांचा बचाव करतील.