दिवंगत अभिनेत्री श्रीदेवी यांचा 'मॉम' हा शेवटचा सिनेमा ठरला होता. २०१७ साली हा सिनेमा आला होता. लेकीच्या सुरक्षेसाठी आणि तिला झालेल्या त्रासानंतर नराधमांचा बदला घेण्यासाठी कोणत्याही थराला जाणाऱ्या आईची ती कथा होती. हा क्राइम थ्रिलर सिनेमा होता. श्रीदेवीच्या अभिनयाचं खूप कौतुक झालं होतं. आता 'मॉम'चा सीक्वेल येत आहे. बोनी कपूर यांनी आधीच याची घोषणा केली होती. आता प्रत्यक्ष शूटिंगला सुरुवात झाली आहे. सिनेमाच्या सेटवरुन काही फोटो लीक झाले आहेत.
'मॉम २'मध्ये श्रीदेवीची धाकटी लेक खुशी कपूर झळकणार आहे. खुशी आज २५ वा वाढदिवस साजरा करत आहे. आता तिचा सेटवरुन फोटो समोर आला आहे. यामध्ये करिश्मा तन्नाही दिसत आहे जिने व्हाईट आऊटफिट परिधान केलं आहे. बॉलिवूड हंगामा रिपोर्टनुसार, गेल्या आठवड्यातच 'मॉम २'चं शूट मुंबईत सुरु झालं आहे आणि १० दिवसांचं शूट पूर्णही झालं आहे. खुशीची सिनेमात महत्वाची भूमिका आहे. आईच्या सिनेमाच्या सीक्वेलमध्ये काम करणं हा खुशीसाठी भावुक करणारा अनुभव आहे.
खुशी कपूरने 'द आर्चीज' सिनेमातून बॉलिवूडमध्ये पदार्पण केलं. नंतर ती 'लव्हयापा' आणि 'नादनियां' या सिनेमांमध्ये दिसली. 'मॉम २' खुशीचा चौथा सिनेमा आहे. गिरीश कोहली सिनेमाचं दिग्दर्शन करत आहेत. बोनी कपूर त्यांच्या वाढदिवशी म्हणजेच ११ नोव्हेंबर रोजी सिनेमाची पहिली झलक दाखवणार असल्याची शक्यता आहे.
Web Summary : Sridevi's last film 'Mom' is getting a sequel starring her daughter Khushi Kapoor. Set photos reveal Karishma Tanna's presence. The shoot is underway in Mumbai, with Boney Kapoor expected to release a first look soon.
Web Summary : श्रीदेवी की आखिरी फिल्म 'मॉम' का सीक्वल बन रहा है, जिसमें उनकी बेटी खुशी कपूर मुख्य भूमिका निभाएंगी। सेट की तस्वीरों में करिश्मा तन्ना भी नजर आ रही हैं। मुंबई में शूटिंग चल रही है, बोनी कपूर जल्द ही फर्स्ट लुक जारी कर सकते हैं।