कलाविश्वातून एक दु:खद बातमी समोर येत आहे. धर्मेंद्र यांच्यानंतर एका दिग्गज अभिनेत्याचं निधन झालं आहे. कन्नड सिनेसृष्टीतील ज्येष्ठ अभिनेता उमेश यांचं ८० व्या वर्षी निधन झालं आहे. ते गेल्या काही वर्षांपासून कॅन्सरने ग्रस्त होते. अखेर रविवारी(३० नोव्हेंबर) त्यांची कॅन्सरशी झुंज संपली. तब्येत बिघडल्याने काही दिवसांपूर्वी त्यांना बंगळुरूमधील रुग्णालयात दाखल करण्यात आलं होतं. तिथेच त्यांनी अखेरचा श्वास घेतला. त्यांच्या निधनाने साऊथ इंडस्ट्रीवर शोककळा पसरली आहे.
अभिनेते उमेश यांच्या निधनाची दु:खद बातमीला त्यांच्या कुटुंबीयांनी दुजोरा दिला आहे. अनेक वर्षांपासून उमेश हे कॅन्सर या आजाराशी सामना करत होते आणि रुग्णालयातच उपचारादरम्यान त्यांनी अखेरचा श्वास घेतल्याची माहिती दिली आहे. त्यांच्या निधनाने चाहते शोकात बुडाले आहेत. साऊथ इंडस्ट्रीतील सेलिब्रिटी आणि चाहत्यांनी त्यांना सोशल मीडियावरुन श्रद्धांजली वाहिली आहे.
ज्येष्ठ अभिनेते उमेश हे गेल्या ६ दशकांपासून साऊथ इंडस्ट्रीत कार्यरत होते. साऊथ इंडस्ट्रीत त्यांचं मोठं योगदान आहे. ४ वर्षांचे असल्यापासूनच त्यांनी बालकलाकार म्हणून सिनेमात काम करायला सुरुवात केली होती. जवळपास ३५० हून अधिक सिनेमांमध्ये त्यांनी काम केलं होतं. 'नागरा होले', 'गुरु शिष्यरु', 'अनुपमा', 'कामना बिल्लू', 'वेंकट इन संकटा' हे त्यांचे काही गाजलेले सिनेमे आहेत.
Web Summary : Veteran Kannada actor Umesh died at 80 after a long battle with cancer. He passed away in a Bangalore hospital. Umesh, a prominent figure in South Indian cinema, acted in over 350 films. His death has brought grief to the South film industry.
Web Summary : कन्नड़ के दिग्गज अभिनेता उमेश का 80 वर्ष की आयु में कैंसर से लंबी लड़ाई के बाद निधन हो गया। उन्होंने बेंगलुरु के एक अस्पताल में अंतिम सांस ली। उमेश, दक्षिण भारतीय सिनेमा में एक प्रमुख व्यक्ति थे, जिन्होंने 350 से अधिक फिल्मों में अभिनय किया। उनके निधन से दक्षिण फिल्म उद्योग में शोक है।