फहाद फासिल (Fahad Faasi) हा मॉलिवूडचा लोकप्रिय अभिनेता आहे. नुकत्याच प्रदर्शित झालेल्या 'पुष्पा २' या चित्रपटातील 'भंवर सिंग शेखावत' या भूमिकेतून फहाद चर्चेत आला आहे. या चित्रपटातील त्याच्या अभिनयाला खूप पसंती दिली जात आहे. तथापि, पुष्पा फ्रँचायझी व्यतिरिक्त, फहादने अनेक उत्कृष्ट चित्रपट देखील केले आहेत.
प्रसिद्ध दिग्दर्शक फासिलच्या पोटी जन्मलेल्या फहाद फासिलने २००२ मध्ये आलेल्या कैयेथुम दोराथ या चित्रपटातून आपल्या अभिनय कारकिर्दीला सुरुवात केली. यानंतर फहादने ब्रेक घेतला आणि २००९ मध्ये केरळ कॅफे या चित्रपटाद्वारे इंडस्ट्रीत कमबॅक केले. यानंतर ‘चप्पा कुरिशु’ या सिनेमात काम केले. हे चित्रपट त्याच्या कारकिर्दीतील एक टर्निंग पॉईंट ठरले, ज्यामुळे त्याला समीक्षकांची प्रशंसा मिळाली आणि त्याला सर्वोत्कृष्ट सहाय्यक अभिनेत्याचा पहिला केरळ राज्य चित्रपट पुरस्कार मिळाला.
फहाद जगतो आलिशान लाइफ
या वर्षांमध्ये, अभिनेत्याने बैंगलोर डेज़, थोंडीमुथलम ड्रिकसाक्शियुम, कुंबलंगी नाइट्स, ट्रान्स, जोजी, मलिक, आर्टिस्ट, आमीन, महेशिन्ते प्रतिकारम यांसारख्या चित्रपटांमध्ये काम केले. तथापि, जेव्हा तो आवेशम, पुष्पा फ्रँचायझी, वेट्टैय्यान आणि बोगनविलिया सारख्या प्रोजेक्टचा भाग बनला आणि त्याची लोकप्रियता आणखी वाढली. यासोबतच त्यांच्या उत्पन्नातही वाढ झाली आणि आज तो अतिशय आलिशान जीवन जगत आहेत.
अलिकडेच रिलीज झालेल्या सिनेमासाठी घेतलं इतकं मानधन
लाइफस्टाइल एशियाच्या रिपोर्टनुसार, अभिनेत्याला पुष्पा: द राइजसाठी सुमारे ३.५ कोटी रुपये मानधन मिळाले आहे. फिल्मीबिटच्या रिपोर्ट्सनुसार, फासिलच्या पुष्पा: द रुलच्या फीमध्ये सुमारे ३.७८ टक्क्यांनी वाढ झाली, ज्यामध्ये त्याला ८ कोटी रुपये दिले गेले. रिपोर्टनुसार, अभिनेता पुष्पा सीक्वलच्या शूटिंगसाठी दररोज १२ लाख रुपये आकारत होता. फहादच्या आवेशम चित्रपटाने १५० कोटींहून अधिक कमाई केली, त्याच्या बँकक्षमतेला नवीन उंचीवर नेले आणि हा चित्रपट त्याचा होम प्रोडक्शन असल्यामुळे त्याने २ कोटी रुपये घेतले होते आणि नफ्याचा आनंद लुटला. त्याने विक्रमसाठी ४ कोटी रुपये आकारले, तर बोगनविलिया आणि वेट्टैय्यान या दोघांसाठी त्याला सुमारे ५ कोटी रुपये मानधन घेतले होते.
अभिनेत्याकडे आहे आलिशान गाड्यांचे कलेक्शन
लाइफस्टाइल एशियाच्या रिपोर्टनुसार, फहाद फासिलकडे लक्झरी कारचे कलेक्शनही आहे. त्याच्याकडे १.८४ कोटी रुपयांची Porsche 911 Carrera S आहे. ही कार कस्टमाईज करण्यासाठी त्याने जवळपास २.६४ कोटी रुपये खर्च केले होते. त्याच्याकडे २.३५ कोटी रुपयांची रेंज रोव्हर वोग आणि ७० लाख रुपयांची मर्सिडीज बेन ई आहे.