बॉलिवूडचा नवाब सैफ अली खान आपल्या अभिनयासह आपली यशस्वी कारकिर्द रेखाटत असून तो नुकताच स्टार प्लस वाहिनीवरील ‘कहां हम, कहां तुम’च्या पहिल्या प्रोमोमध्ये पहायला मिळाला. संदिप सिकंद यांचा शो जगातील अशा संकल्पनेबद्दल बोलतो, जिथे प्रेम तर आहे पण प्रेमासाठी वेळ नाही.
एक उत्तम अभिनेता असल्यासोबत सैफ अली खान एक आदर्श कौटुंबिक पुरूष आणि प्रेमळ पितासुद्धा आहे. जेव्हा या मालिकेबद्दल काय आवडले असे त्याला विचारले तेव्हा तो म्हणाला, “ज्याप्रकारे सोनाक्षी (दिपिका कक्कर) आणि रोहित (करण व्ही ग्रोव्हर) हे आपापल्या आयुष्यात अतिशय बिझी असल्याचे दाखवले आहे आणि एकमेकांसाठी वेळ शोधण्यासाठी ते खूप धडपडतात, ती संकल्पना मला अगदी लगेच आपलीशी वाटली.
खासकरून माझ्या मुलासोबत. कारण तो आता मोठा होतो आहे. त्याचा चेहरा पाहिल्याशिवाय मी झोपूच शकत नाही. माझ्यासाठी माझे कुटुंब सर्वप्रथम असून काहीही झाले तरी त्यांना वेळ देणे माझ्यासाठी सर्वांत महत्त्वाचे आहे.”