Bigg Boss Marathi: स्वत:ला सरकार म्हणवून घेणारी, तलवारीची धमकी देणारी दिव्या शिंदे नेमकी कोण?

1 / 10

Bigg Boss Marathi 6: बिग बॉस मराठीच्या घरात शुक्रवारी हाय वोल्टेज ड्रामा पाहायला मिळाला. नॉमिनेशन टास्कमध्ये स्पर्धकांना जीवे मारण्याची धमकी दिल्याने दिव्या शिंदेला बिग बॉसने बाहेरचा रस्ता दाखवला.

2 / 10

तन्वीने दिव्याला नॉमिनेट केल्यामुळे तिचा पारा चढला आणि तिने थेट तलवार चालवण्याची धमकी दिली. बिग बॉसने दिव्याला तिची चूक मान्य करून ती सुधारण्याची संधीही दिली.

3 / 10

मात्र दिव्याने तिच्या म्हणण्यावर ठाम असल्याचं सांगितलं. त्यामुळे सदस्यांच्या सुरक्षेच्या कारणास्तव बिग बॉसने दंड म्हणून दिव्याला तातडीने घरातून बाहेर काढलं. त्यामुळे दिव्या पुन्हा एकदा चर्चेत आली आहे.

4 / 10

याआधी दिव्या सिंहगड कॉलेजमधील विद्यार्थी आंदोलनामुळे चर्चेत आली होती. कॉलेज प्रशासनाने मेरीटमध्ये नाव असूनही आणि सर्व कागदपत्रे बरोबर असूनही प्रवेश नाकारल्याने दिव्याने आंदोलन केलं होतं.

5 / 10

दिव्याच्या या आंदोलनाची प्रसारमाध्यमांनीही दखल घेतली होती. तिच्या विद्यार्थी आंदोलनाला यशही आलं होतं. बिग बॉस मराठीमध्येही दिव्याने याचा उल्लेख केला होता.

6 / 10

आंबेडकर विचारांची दिव्या एक सोशल मीडिया इन्फ्लुएन्सर आहे. चळवळींमध्येही दिव्याचा सहभाग घेत असल्याचं दिसतं.

7 / 10

खासकरून विद्यार्थ्यांच्या प्रश्नासाठी दिव्या आंदोलनातून आवाज उठवते. भाषणातून ती तिचे विचार मांडते.

8 / 10

तिचे अनेक व्हिडीओ सोशल मीडियावर व्हायरल होत असतात. इन्स्टाग्रामवर तिचे १.१ मिलियन फॉलोवर्स आहेत.

9 / 10

सरकार सेना संघटना नावाची संघटना दिव्या चालवते. या संघटनेची ती अध्यक्ष आहे. रील्समधूनही दिव्या अनेकदा तिचे विचार मांडते. शाहू-फुले-आंबेडकरांच्या विचारांनुसार चालत असल्याचं दिव्याचं म्हणणं आहे.

10 / 10

बिग बॉसच्या घरातून बाहेर पडल्यानंतर दिव्याने सोशल मीडियावर पोस्ट शेअर करत लवकरच यावर भाष्य करणार असून चाहत्यांच्या प्रश्नांची उत्तरं देणार असल्याचं म्हटलं.