"शिवाजी महाराजांची भेट झाली" सैराट फेम अरबाज शेख पोहोचला रायगडावर, शेअर केले फोटो

1 / 10

मराठी सिनेसृष्टीमध्ये नागराज मंजुळे यांचा सैराट (Sairat) हा सिनेमा इतिहास रचणारा ठरला. २०१६ साली प्रदर्शित झालेला हा सिनेमा केवळ एक प्रेमकथा नाही, तर समाजातील खोलवर रुजलेल्या जातीभेदावर थेट प्रकाश टाकणारा आणि प्रेक्षकांना विचार करायला लावणारा चित्रपट आहे. हा चित्रपट पाहिल्यावर आजही अनेकांच्या डोळ्यात पाणी येतं.

2 / 10

ग्रामीण भागातील परश्या आणि आर्चीची लवस्टोरी आजही महाराष्ट्रात चर्चेचा विषय असते. आर्ची आणि परश्या म्हणजेच अभिनेता आकाश ठोसर व रिंकू राजगुरु सोबत त्यांचे मित्र देखील लोकप्रिय झाले.

3 / 10

सैराटमधील लंगड्या आणि बांगड्यावाल्या भाभीचा सल्ल्या ही पात्रे प्रेक्षकांना पसंत पडली होती.

4 / 10

लंगड्या ही भूमिका तानाजी गालगुंडे आणि सल्ल्या ही भुमिका अरबाज शेखनं साकारली होती.

5 / 10

सद्या अभिनेता अरबाज शेख हा चर्चेत आला आहे. त्याच्या एका पोस्टनं सर्वांचं लक्ष वेधून घेतलंय.

6 / 10

अरबाज शेखनं नुकतंच स्वराज्याची राजधानी असलेल्या रायगड किल्ल्याला भेट दिली.

7 / 10

रायगडावरील काही फोटो त्याने इन्स्टाग्राम अकाऊंटवरुन शेअर केले आहेत. यावेळी त्याच्यासोबत त्याची मैत्रिण सिमरन पाहायला मिळाली.

8 / 10

छत्रपती शिवाजी महाराजांच्या समाधीजवळ उभं राहून मानवंदना दिल्याचा फोटोही त्याने शेअर केला आहे.

9 / 10

अरबाज शेखनं शेअर केलेल्या या पोस्टला 'आज छत्रपती शिवाजी महाराजांची भेट झाली' असं कॅप्शन दिलं आहे. त्याच्या या पोस्टवर चाहत्यांनी कमेंटही केल्या आहेत.

10 / 10

अरबाजनं व्यवसाय क्षेत्रात आपला जम बसवला आहे. त्याचा स्वतःचा 'बेक बडीज' नावाचा कॅफे आहे. पुण्यातील सिंहगड लॉ कॉलेज समोर, आंबेगाव बुद्रुक इथे अरबाजचा कॅफे आहे.