Flashback 2025: धर्मेंद्र ते शेफाली जरीवाला; २०२५मध्ये बॉलिवूडवर काळाचा घाला, गमावले दिग्गज हिरे

1 / 8

२०२५ हे वर्ष बॉलिवूडसाठी दु:खाचं ठरलं. या वर्षात बॉलिवूडने अनेक हिरे गमावले. कोणाचं वृद्धपकाळाने, तर कोणाचं अकाली निधन झालं. ज्यामुळे बॉलिवूड शोकात बुडालं.

2 / 8

कॉमेडीने प्रेक्षकांचं मनोरंजन करणारे अभिनेते गोवर्धन असरानी यांचं ८४व्या वर्षी निधन झालं. २० ऑक्टोबर रोजी त्यांनी अखेरचा श्वास घेतला.

3 / 8

ज्येष्ठ अभिनेते पंकज धीर यांचं १५ ऑक्टोबर रोजी कॅन्सरने निधन झालं. ते ६८ वर्षांचे होते.

4 / 8

दिग्गज अभिनेते आणि दिग्दर्शक मनोज कुमार यांनी ४ एप्रिल रोजी अखेरचा श्वास घेतला. ते ८७ वर्षांचे होते. त्यांच्या निधनाने बॉलिवूडमध्ये कधीही भरुन न निघणारी पोकळी निर्माण झाली.

5 / 8

बॉलिवूड सिंगर झुबीन गर्ग यांच्या निधनाची बातमी हादरवून सोडणारी होती. १९ सप्टेंबरला सिंगापूरमध्ये स्कुबा डायव्हिंग करताना त्यांचा मृत्यू झाला. त्यांच्या मृत्यू हा घातपात असल्याचा संशयही व्यक्त केला जात आहे.

6 / 8

२५ ऑक्टोबरला चाहत्यांना आणखी एक धक्का बसला. साराभाई वर्सेस साराभाई फेम अभिनेता सतीश शाह यांचं मूत्रपिंडाच्या त्रासाने निधन झालं. ते ७४ वर्षांचे होते.

7 / 8

२०२५ सरता सरता दिग्गज अभिनेते धर्मेंद्र यांनी जगाचा निरोप घेतला. २४ नोव्हेंबरला धर्मेंद्र यांचं निधन झालं. ८९ वर्षांच्या धर्मेंद्र यांच्या निधनाने चाहत्यांना मोठा धक्का बसला.

8 / 8

काटा लगा गर्ल शेफाली जरीवालाच्या मृत्यूने चाहत्यांना मोठा धक्का बसला होता. २७ जूनला कार्डियक अरेस्टमुळे शेफालीचं निधन झालं. ती फक्त ४२ वर्षांची होती.