"मला तुमच्या भावना समजत आहेत, पण एक विनंती..."; 'राजा शिवाजी'च्या रिलीजनंतर रितेश देशमुख काय म्हणाला?

 'राजा शिवाजी' सिनेमा रिलीज होऊन एक दिवस होत नाही तोच रितेश देशमुखचा एक व्हिडीओ व्हायरल झाला आहे. यात रितेशने प्रेक्षकांना कळकळीची विनंती केली आहे. रितेशचा हा व्हिडीओ सध्या चांगलाच चर्चेत आहे. काय म्हणाला रितेश?

'राजा शिवाजी' सिनेमाची १ मे २०२६ ला सगळीकडे रिलीज झाला आहे. हा सिनेमा पाहण्यासाठी प्रेक्षक हाउसफुल्ल गर्दी करत आहेत. अशातच 'राजा शिवाजी' सिनेमा रिलीज होऊन एक दिवस होत नाही तोच रितेश देशमुखचा एक व्हिडीओ व्हायरल झाला आहे. यात रितेशने प्रेक्षकांना कळकळीची विनंती केली आहे. रितेशचा हा व्हिडीओ सध्या चांगलाच चर्चेत आहे. काय म्हणाला रितेश? जाणून घ्यारितेशचा व्हिडीओ सोशल मीडियावर चर्चेतरितेश देशमुख व्हिडीत म्हणतो की, ''नमस्कार, आपले आराध्य दैवत छत्रपती शिवाजी महाराज यांच्या शौर्यगाथेवरती चित्रपट आम्ही काढला 'राजा शिवाजी'. आणि हा चित्रपट स्वतःचा समजून तुम्ही पाहायला गेलात. एवढा उत्स्फुर्त प्रतिसाद तुम्ही या चित्रपटाला देत आहात, त्याबद्दल मी आणि 'राजा शिवाजी' चित्रपटाची संपूर्ण टीम तुम्हा सर्वांची ऋणी आहे.''

''फक्त एक विनंती आहे, मला तुमच्या भावना समजत आहेत की तुम्ही एक्साइटमेंटमुळे चित्रपटाचे थिएटरमध्ये व्हिडीओ काढताय, ते बाहेर पोस्ट करताय. फक्त एवढी विनंती करतो की, व्हिडीओज पोस्ट करु नका. स्टील्स (फोटो) वाटेल तर तुम्ही पोस्ट करा हरकत नाही. परंतु कृपया व्हिडीओ पोस्ट करु नका. कारण का, त्यामुळे इतर जे चित्रपट पाहायला येणार आहेत त्यांना काही काही सरप्राईजेस आहेत. त्यांनाही मजा येऊ द्या. आणि असाच तुमचा प्रतिसाद असू द्या. जय शिवराय'', अशाप्रकारे रितेशने प्रेक्षकांना विनंती केली आहे'राजा शिवाजी'ची कमाईसैकनिल्कच्या अहवालानुसार 'राजा शिवाजी' सिनेमाने पहिल्याच दिवशी तब्बल १२. ४० कोटींचा गल्ला जमवला आहे. पहिल्याच दिवशी तब्बल १२.४० कोटींची कमाई करत कोणत्याही मराठी सिनेमासाठी आतापर्यंतचा सर्वात मोठा ओपनिंग डे नोंदवला आहे. त्याचबरोबर, हा चित्रपट २०२६ मधील सर्व चित्रपटांमध्ये तिसरा सर्वाधिक ओपनिंग डे ठरला आहे.