सध्या टिकटॉक ॲपवर व्हिडियो तयार करण्याचा ट्रेंड आला असून तरुण पिढी याच्या चांगलीच आहारी गेली असल्याचे दिसून येत आहे. मात्र या टिकटॉक ॲपमुळे काही बळी देखील गेले असल्याच्या घटना समोर येत असताना टिकटॉक जपून आणि केवळ मनोरंजनासाठी वापर करा असे आवाहन प्रसिद्ध मराठी अभिनेता स्वप्नील जोशी याने केले आहे.
तसेच टिकटॉक ॲप केवळ मजेसाठी असून त्याचा उपयोग मनोरंजनासाठी आणि आपल्यातली कला दाखविण्यासाठी करा असा संदेशही स्वप्नीलने दिला आहे.
तसेच टिकटॉक कंपनीने देखील आपल्या युजर्सना टिकटॉक ॲप सांभाळून वापरण्याची विनंती केली आहे. टिकटॉक ॲपमध्ये अनेक सुरक्षा उपाय आहेत तसेच आमच्या युजर्ससाठी नेहमीच सुरक्षित आणि सकारात्मक वातावरण राहील. यासाठी आम्ही कटिबद्ध आहोत. आम्ही आमच्या युजर्सना नेहमीच त्यांची सर्जनशीलता दाखवण्यासाठी तसेच कलागुण दाखवण्यासाठी प्रोत्साहित करतो.