मराठी चित्रपटसृष्टीतील प्रसिद्ध अभिनेत्री श्रुती मराठे हल्ली ग्लॅमरस फोटोंमुळे चर्चेत येत असते. तिच्या फोटोंना चाहत्यांची खूप पसंती मिळताना दिसते. श्रुती मराठे हिने आपल्या अभिनय कौशल्याच्या जोरावर मराठी चित्रपटसृष्टीत आपले स्थान निर्माण केले आहे. तसेच तिने तमीळ चित्रपटातही काम केले आहे.
९ ऑक्टोबर १९८६ रोजी बडोदा येथे श्रुतीचा जन्म झाला. त्यानंतर श्रुती आणि तिचे कुटुंब पुण्यात स्थायिक झाले. पुण्यातील सेंट मीरा शाळेतून तिने शिक्षण पूर्ण केले. शालेय जीवनातच तिला अभिनय आणि डान्सची आवड निर्माण झाली.
दहावी पास झाल्यानंतर श्रुतीला पहिली अभिनयाची संधी मिळाली. स्मिता तळवळकर दिग्दर्शित पेशवाई या मालिकेत तिला अभिनय करण्याची संधी मिळाली. महाविद्यालयीन जीवनात अनेक नाटकात श्रुतीने काम केले. तसेच अनेक जाहिरातीत काम केले. त्यानंतर तिने अभिनय क्षेत्रात करिअर करायचे ठरविले आणि मुंबईत दाखल झाली.
४ डिसेंबर, २०१६ रोजी श्रुतीने अभिनेता गौरव घाटणेकरसोबत विवाह केला.