सगळीकडे कोरोनाचा प्रसार वेगाने वाढताना दिसत आहे. लोकांच्या हलगर्जीपणामुळे कोरोनाचा धोका वाढत चालला आहे. कित्येक जण मास्क न लावता, गर्दी करून कोरोनाचा प्रसार वाढत आहेत. अशा लोकांना तात्या विंचूने धोक्याचा इशारा दिला आहे. पावरी करू नका, कोरोना वाढतोय, असे तात्या विंचू सांगतो आहे.
प्रसिद्ध शब्दभ्रमकार रामदास पाध्ये आणि सत्यजित पाध्ये यांचा तात्या विंचू बाहुला खूप लोकप्रिय आहे. तात्या विंचू मनोरंजनाबरोबर जनजागृती करण्याचे काम करतो. सामाजिक संदेश घेऊन आपल्या भेटीला येतो. गेल्या वर्षी मार्च महिन्यात तात्या विंचूने कोरोनाविषयक जागृती केली होती. त्यानंतर पुन्हा एकदा तो संदेश घेऊन आला आहे. यावेळी सोशल मीडियावर सध्या ज्या 'पावरी'चा धुमाकूळ पहायला मिळतो आहे. त्याचा आधार घेऊन तात्या आपल्याला काहीतरी सांगताना दिसतोय.