आता स्वप्निल जोशीच्या या लाडक्या मित्राचा आणि त्याच्या मुलाचा वाढदिवस असणार एकाच दिवशी
By ऑनलाइन लोकमत | Updated: December 9, 2017 13:56 IST
स्वप्निल जोशी आणि अली असगर हे गेली अनेक वर्षं एकमेकांचे खूप चांगले मित्र आहेत. अली आणि स्वप्निल यांनी त्यांच्या ...
आता स्वप्निल जोशीच्या या लाडक्या मित्राचा आणि त्याच्या मुलाचा वाढदिवस असणार एकाच दिवशी
स्वप्निल जोशी आणि अली असगर हे गेली अनेक वर्षं एकमेकांचे खूप चांगले मित्र आहेत. अली आणि स्वप्निल यांनी त्यांच्या कारकिर्दीच्या सुरुवातीला दिल विल प्यार व्यार या मालिकेत काम केले होते. त्याच्यानंतर देखील ते घर की बात है या मालिकेत एकत्र झळकले होते. कॉमेडी सर्कसमधील अली आणि स्वप्निलच्या जोडीचे तर चांगलेच कौतुक झाले होते. त्या दोघांनी कॉमेडी सर्कसच्या अनेक सिझनचे विजेतेपद देखील पटकावले आहे. स्वप्निलच्या अनेक मराठी चित्रपटांच्या प्रिमियरला अली आवर्जून उपस्थित असतो. अली आणि स्वप्निलच्या घट्ट मैत्रीविषयी सगळ्यांनाच चांगलेच माहीत आहे. स्वप्निलच्या या लाडक्या मित्राच्याच वाढदिवसाच्या दिवशी स्वप्निलला मुलगा झाला. आपल्या लाडक्या मित्राच्या मुलाचा म्हणजेच आपल्या पुतण्याचा आणि आपला वाढदिवस आता एकत्र असणार हे कळल्यावर अलीला प्रचंड आनंद झाला आहे. अलीने त्याचा हा आनंद सोशल मीडियाच्या माध्यमातून व्यक्त केला आहे. स्वप्निलने अलीला वाढदिवसाच्या शुभेच्छा देण्यासाठी एक ट्वीट केले होते. त्याने त्यात म्हटले होते की, भाई, तुला वाढदिवसाच्या खूप साऱ्या शुभेच्छा. तुझा आजचा वाढदिवस मला आणि तुला आयुष्यभर लक्षात राहाणार. स्वप्निलच्या या ट्वीटला रिप्लाय देताना अलीने म्हटले आहे की, मुलगा झाल्याबद्दल तुझे अभिनंदन. आता आपल्या कुटुंबात एकच केक मी आणि माझा पुतणा मिळून कापणार...