'सैराट झालं जी' म्हणत उभ्या महाराष्ट्राला येडं लावणारी अभिनेत्री म्हणजे रिंकू राजगुरू. पहिल्याच सिनेमातून रिंकूने प्रेक्षकांची मनं जिंकली आणि मराठी कलाविश्वातील टॉप अभिनेत्रींच्या यादीत जागा मिळवली. सैराटनंतर रिंकूने अनेक मराठी सिनेमांमध्ये काम केलं. त्यामुळे तिचा चाहतावर्ग अफाट आहे. या चाहत्यांच्या संपर्कात राहण्यासाठी रिंकू सोशल मीडियावर सक्रीय असून ती दररोज नवनवीन पोस्ट शेअर करत असते. यात नुकताच तिने तीन पिढ्याचा फोटो शेअर केला आहे.
सोशल मीडियावर सक्रीय असलेल्या रिंकूने इन्स्टाग्राम स्टोरीमध्ये एक फोटो शेअर केला आहे. या फोटोमध्ये ती, तिची आई आणि आजी दिसून येत आहे. रिंकूने हा फोटो शेअर करत जागतिक महिला दिनाच्या शुभेच्छा दिल्या आहेत. रिंकूच्या या पोस्टवर नेटकरी लाइक्स आणि कमेंटचा पाऊस पाडत आहेत.
दरम्यान, रिंकूने अल्पावधीत प्रेक्षकांच्या मनात हक्काचं स्थान निर्माण केलं आहे. सैराट, कागर,मेकअप या मराठी चित्रपटांसह ही वेबसीरिजमध्येही झळकली आहे. त्यामुळे आज तिचा मोठा चाहतावर्ग असल्याचं दिसून येतो.