गिरीश ओक पुन्हा झळकणार मालिकेत ?

आपल्या अभिनयाने प्रेक्षकांच्या मनावर राज्य गाजविणारे अभिनेते गिरीश ओक हे पुन्हा मालिकेत झळकणार असल्याचे समजत आहे. त्यांची ही आगामी मालिका प्रेक्षकांसाठी नवीन वर्षाचे सरप्राईज असणार असल्याचे कळत आहे. मात्र या मालिकेच नाव अदयापदेखील कळाले नाही. त्याचबरोबर त्यांच्यासोबत कोण कलाकार असणार आहे हेदेखील गुलदस्त्यात असल्याचे कळत आहे. गिरीश ओक यांची लोकप्रिय मालिका जुळून येतील रेशीमगाठी काही महिन्यापूर्वीच संपली आहे. या मालिकेतील त्यांची रूबाबदार भूमिका आज ही प्रेक्षकांच्या लक्षात आहे. त्यांनी नेहमीच नाटक, मालिका आणि चित्रपट यांच्या माध्यमातून प्रेक्षकांचे मन जिंकले आहे. त्यामुळे गिरीश ओक पुन्हा कधी मालिकेत झळकणार याच्या प्रतिक्षेत प्रेक्षक आहेत. तसेच त्यांनी आतापर्यत चित्रपटसृष्ट्रीला अनेक चित्रपट आणि मालिका दिल्या आहेत. त्यांनी मुन्नाभाई एस एस, सातच्या आत घरात, विश्वविनायक, लावण्यवती, पैसा पैसा पैसा, वाट पाहते पुनवेची, जसं बाप तसं पोरगं असे अनेक चित्रपट त्यांनी केले आहेत. तसेच पसंत आहे मुलगी, पिंजरा, आराधना, पुणेरी मिसळ, मन उधाण वाºयाचे, अग्निहोत्र, या सख्यांनो या, या गोजिरवाण्या घरात, दुहेरी, बंधिनी अशा अनेक लोकप्रि़य मालिका त्यांनी केल्या आहेत. त्याचप्रमाणे यु टर्न, कहाणी मे ट्वििस्ट, श्री तशी सौ, लव्ह बर्डस, षडयंत्र या नाटकाच्या माध्यमातूनदेखील रंगभूमीवर त्यांनी आपल्या अभिनयाची जादू दाखविली आहे. नुकतेच त्याच्या यु टर्न या नाटकाचे सहाशे प्रयोग पूर्ण झाले आहेत. त्यांचे हे नाटक आज ही प्रेक्षकांच्या पसंतीस उतरताना दिसत आहे.