कलाकार म्हटलं की चर्चा तर होणारच! मग त्यांची असो किंवा त्यांची सोशल मीडियावरील पोस्ट. बऱ्याचदा सोशल मीडियावर जुन्या आठवणी शेअर करतात तर कधी बालपणीचे फोटो शेअर करून त्या आठवणीत रमतात. नुकतेच आता अभिनेत्री सायली संजीव हिने आई वडिलांसोबतचा बालपणीचा फोटो शेअर केला आहे. तिच्या या फोटोला चाहत्यांची पसंती मिळते आहे.
सायली संजीवने तिच्या बालपणीचे फोटो शेअर केला आहे. त्यातील एका फोटोत ती वडिलांसोबत दिसते आहे तर दुसऱ्या फोटोत ती आईच्या कडेवर दिसत आहे. तिने हे फोटो शेअर करून लिहिले की, मला इतके अद्भूत जीवन दिल्याबद्दल मी आभारी आहे. तुम्ही माझे जीवन आहात. सायली संजीवच्या फोटोंना चाहत्यांची पसंती मिळताना दिसत आहे.