अभिनेत्री अलका कुबल यांनी विविध भूमिका साकारून रसिकांच्या मनात आपले स्थान निर्माण केले आहे. रुपेरी पडद्यावर सून, लेक अशा व्यक्तिरेखा साकारणाऱ्या अभिनेत्री अलका कुबल यांनी प्रेक्षकांची मने जिंकली आहेत. अभिनेत्री अलका कुबल-आठल्ये आणि समीर आठल्ये यांना दोन मुली आहेत एकीचे नाव आहे ईशानी तर दुसरीचे नाव आहे कस्तुरी. या दोघी सिनेइंडस्ट्रीऐवजी वेगळ्या क्षेत्रात कार्यरत आहे.
अभिनेत्री अलका कुबल- आठल्ये यांनी सोशल मीडिया इंस्टाग्रामवर डॉटर्स डेच्या निमित्ताने दोन्ही मुलींचे फोटो शेअर केले आहेत. फोटो शेअर करत त्यांनी म्हटले की, हॅप्पी डॉटर्स डे. डॅडी आणि मला तुमच्या दोघींचा खूप आनंद वाटतो.
ईशानीने वैमानिक बनण्यासाठी खूप मेहनत घेतली. तिने शिक्षण घेत असताना खूप अभ्यास केला मेहनत घेतली आणि तिने घेतलेल्या मेहनतीचे फळही तिला चांगलेच भेटले. त्यानंतर तिला व्यावसायिक विमान चालवण्यासाठी लायसेन्स देखील भेटले आहे.