Join us  

नाजुका आणि रायबा उधळणार 'प्रीती सुमने'

By ऑनलाइन लोकमत | Published: September 25, 2018 7:08 PM

प्रेक्षकांना अगदी लोटपोट हसवणारा 'अगडबम' सिनेमा आठ वर्षांपूर्वी भेटीस आला होता. या चित्रपटातील नाजुकाने प्रत्येक सिनेरसिकाचे मन जिंकले होते. त्यामुळे ही नाजुका पुन्हा एकदा 'माझा अगडबम'द्वारे प्रेक्षकांच्या भेटीस येणार आहे.

ठळक मुद्दे नाजुका पुन्हा एकदा प्रेक्षकांच्या भेटीला 'माझा अगडबम' २६ ऑक्टोबरला होणार प्रदर्शित

प्रेक्षकांना अगदी लोटपोट हसवणारा 'अगडबम' सिनेमा आठ वर्षांपूर्वी भेटीस आला होता. या चित्रपटातील नाजुकाने प्रत्येक सिनेरसिकाचे मन जिंकले होते. त्यामुळे ही नाजुका पुन्हा एकदा 'माझा अगडबम'द्वारे प्रेक्षकांच्या भेटीस येणार आहे. या सिनेमातील विनोदाचा उच्चांक गाठणारे 'अटकमटक' 'गाणे सध्या प्रेक्षकांचे तुफान मनोरंजन करत असतानाच, आणखीन एक गाणे रसिकांच्या भेटीला आले आहे. या गाण्याचे नाव 'प्रीती सुमने' असे असून हे प्रेमगीत सोशल नेट्वर्किंग साईटवर नुकतेच प्रदर्शित करण्यात आले आहे. सुबोध भावे आणि तृप्ती भोईर यांच्यावर चित्रीत केलेले 'प्रीती सुमने' हे गाणे नाजूका आणि तिचा पती रायबाच्या आगळ्यावेगळ्या प्रेमावर आधारित आहे.  

'पेन इंडिया लिमिटेड कंपनी'चे जयंतीलाल गडा आणि तृप्ती भोईर फिल्म्स प्रस्तुत 'माझा अगडबम' हा सिनेमा 'नाजूका' या प्रमुख पात्रावर आधारित आहे. सर्वसामान्य प्रेमी युगूलांपेक्षा अगदी हटके असणाऱ्या या जोडीची प्रेमछटा दाखवणारे 'प्रीती सुमने' हे गाणे मंगेश कांगणे यांनी शब्दबद्ध केले आहे. तसेच, टी. सतीश चक्रवर्ती यांनी या गाण्याला संगीत दिले असून, हिंदीची सुप्रसिद्ध गायिका श्रेया घोषालसह त्यांनी हे गाणे गायलेदेखील आहे.  

येत्या २६ ऑक्टोबर रोजी प्रेक्षकांच्या भेटीला येत असलेला 'माझा अगडबम' हा सिनेमा मनोरंजनाची खुमासदार मेजवानी प्रेक्षकांना घेऊन येत आहे. सुपरहिट 'अगडबम' चा दमदार सिक्वेल असलेल्या या सिनेमाचे दिग्दर्शन आणि लेखन तृप्ती भोईरनेच केले असून, टी. सतीश चक्रवर्ती, धवल जयंतीलाल गडा आणि अक्षय जयंतीलाल गडा यांसोबत तिने निर्मितीफळीतदेखील आपला सहभाग दर्शवला आहे. शिवाय, रेश्मा कडाकिया, कुशल कांतीलाल गडा आणि नीरज गाला यांनी या सिनेमाच्या सहनिर्मात्याची धुरा सांभाळली आहे. 

टॅग्स :सुबोध भावे