'तुंबाड २' सिनेमाची सध्या चांगली उत्सुकता आहे. काहीच दिवसांपूर्वी 'तुंबाड'चे निर्माते सोहम शाह यांनी दुसऱ्या भागाची घोषणा केली. तेव्हापासून सर्वांची उत्सुकता शिगेला पोहोचली. इतकंच नव्हे दोन दिवसांपूर्वी सोहम शाह यांनी फोटो पोस्ट करुन 'तुंबाड २'च्या सेटवरील फोटोही पोस्ट केले. त्या फोटोंवरुन शूटिंगला सुरुवात झाली, असं सांगण्यात आलं. आता 'तुंबाड २' मध्ये एका प्रसिद्ध मराठी अभिनेत्रीची वर्णी लागल्याची चर्चा आहे. ही अभिनेत्री म्हणजे अनिता दाते-केळकर.
'माझ्या नवऱ्याची बायको' मालिकेतून घराघरात पोहोचलेली अनिता दाते आता 'तुंबाड २' मध्ये दिसणार आहे. या सिनेमाचा पहिला छोटासा प्रोमो काल आऊट झाला. या प्रोमोत देवीची मूर्ती दिसते आणि मागे रहस्यमयी संगीत वाजतं. हा प्रोमो अनिता दातेने शेअर केला आहे. त्यामुळे ती 'तुंबाड २' मध्ये दिसणार यावर शिक्कामोर्तब झाला आहे. अनिता 'तुंबाड'च्या पहिल्या भागातही दिसली होती. त्यामुळे दुसऱ्या भागातही अनिता विनायकच्या पत्नीच्या भूमिकेत दिसणार का, याकडे सर्वांचं लक्ष असेल. अनिता पुन्हा 'तुंबाड २'मध्ये झळकणार असल्याने तिच्या चाहत्यांना आनंद झाला आहे.
Web Summary : Anita Date-Kelkar, famed for 'Majhya Navryachi Bayko,' joins 'Tumbbad 2.' A promo featuring a goddess hints at her role. She appeared in first part too. 'Tumbbad' sequel comes after eight years, directed by Adesh Prasad, produced by Soham Shah. Release date awaited.
Web Summary : 'माझ्या नवऱ्याची बायको' से मशहूर अनिता दाते 'तुम्बाड 2' में शामिल। देवी की मूर्ति वाला प्रोमो भूमिका का संकेत देता है। वह पहले भाग में भी थीं। 'तुम्बाड' का सीक्वल आठ साल बाद, आदेश प्रसाद द्वारा निर्देशित, सोहम शाह द्वारा निर्मित। रिलीज की तारीख का इंतजार।