अभिनेत्री तेजश्री प्रधान (Tejashree Pradhan) मराठी कलाविश्वातील लोकप्रिय अभिनेत्री आहे. तिने मालिका, चित्रपट आणि नाटक अशा तिन्ही माध्यमात आपल्या अभिनयाची छाप उमटविली आहे. सध्या ती स्टार प्रवाह वाहिनीवरील प्रेमाची गोष्ट मालिकेत काम करताना दिसते आहे. या मालिकेत तिने साकारलेली मुक्ता प्रेक्षकांच्या पसंतीस पडली आहे. तेजश्री सध्या चर्चेत आली आहे. तिने शेअर केलेल्या सोशल मीडियावरील पोस्ट चर्चेत आली आहे.
अभिनेत्री तेजश्री प्रधान हिने इंस्टाग्रामवर ब्लॅक अॅण्ड व्हाईट फोटो शेअर केला आहे आणि तिने लिहिले की, तिने शेवटच्या वेळी तिच्या जुन्या आयुष्याकडे वळून पाहिले आणि दीर्घ श्वास घेतला अन् हळूवारपणे स्वतःला म्हणाली, "आता वेळ आलील. माझ्या नव्या प्रवासासाठी मी तयार आहे. आनंदी जीवन. तेजश्री प्रधानच्या या पोस्टला चाहत्यांची पसंती मिळताना दिसते आहे.
वर्कफ्रंटतेजश्री प्रधान होणार सून मी ह्या घरची या मालिकेतून घराघरात लोकप्रिय झाली. यात तिने साकारलेली जान्हवी रसिकांना खूप भावली. याशिवाय तिने अग्गंबाई सासूबाई या मालिकेत साकारलेल्या शुभ्राच्या भूमिकेलाही प्रेक्षकांचे खूप प्रेम मिळाले. 'ती सध्या काय करते', 'डॉ. प्रकाश बाबा आमटे', 'झेंडा', 'लग्न पहावे करुन', 'लोकशाही' यांसारख्या चित्रपटातही तिने काम केलंय.