२०२३ मध्ये बॉलिवूड अभिनेता आणि दिग्दर्शक सतीश कौशिक (Satish Kaushik) यांच्या अचानक निधनाने त्यांच्या चाहत्यांना आणि मित्रमंडळींना धक्का बसला. त्यांची जवळची मैत्रीण आणि सहकलाकार नीना गुप्ता (Neena Gupta) त्यांना १९७५ मध्ये कॉलेजमध्ये असतानापासून ओळखत होती. 'सच कहूं तो: अ‍ॅन ऑटोबायोग्राफी' या तिच्या पुस्तकात, अभिनेत्रीने कौशिकसोबतच्या तिच्या खास नात्याचा आणि कठीण काळात त्यांनी त्यांची कशी साथ दिली याचा उल्लेख केला आहे.
आता नीना गुप्ता यांचा एक थ्रोबॅक व्हिडीओ व्हायरल होत आहे ज्यामध्ये त्यांनी १९८९ मधील एका क्षणाची आठवण केली जेव्हा त्यांचे लग्न झालेले नव्हते आणि लग्नाशिवाय प्रेग्नेंट राहिल्या होत्या. त्या काळात सतीश कौशिक यांनी नीना गुप्ता यांना लग्नासाठी प्रपोज केले होते. अभिनेत्रीने व्हिडीओत सांगितले होते की, 'जेव्हा मी प्रेग्नेंट होते, तेव्हा मी खूप तणावात होते कारण माझी प्रेग्नेंसी खूपच गुंतागुंतीची होती. ती खूप वादग्रस्त होती, म्हणून ते माझ्या घरी आले. म्हणून, मी खूप तणावात होते आणि रडत होते, मी म्हणाले, 'पुढे काय होईल हे मला माहित नाही.' अभिनेत्री वेस्ट इंडिजचा क्रिकेटपटू विवियन रिचर्ड्सच्या बाळाची आई होणार होती पण दोघांचेही लग्न झाले नव्हते.
सतीश कौशिक यांचा पाठिंबा देण्याचा होता हेतूएका जुन्या मुलाखतीत कौशिक यांनी सांगितले होते की लग्नाशिवाय प्रेग्नेंट राहिलेल्या नीना गुप्ता यांना पाठिंबा देण्याचा आणि त्यांना एकट्याने कठीण प्रसंगांना तोंड द्यावे लागू नये हा त्यांचा हेतू होता. कौशिक यांच्या निधनानंतर, डिझायनर आणि अभिनेत्री मसाबाने कौशिक आणि खेर यांच्यासोबत तिच्या आईचा एक जुना फोटो पोस्ट केला, जो तिने कॅप्शनशिवाय शेअर केला होता.
मसाबाने सतीश कौशिक यांच्या निधनानंतर मानलेले आभार नंतर मसाबाने तिच्या इंस्टाग्राम स्टोरीवर 'जाने भी दो यारो' मधील नीना गुप्ता, सतीश कौशिक आणि कपूर यांचा एक ब्लॅक-अँड-व्हाइट फोटो शेअर केला आणि लिहिले, "आरआयपी, कौशिक काका. तुम्ही आईला सर्वात मोठी भेट दिली... इतक्या वर्षांच्या तुमच्या दयाळूपणाची आठवण येईल." सतीश कौशिक यांचे कुटुंब सतीश कौशिक यांच्या पश्चात त्यांची पत्नी शशी कौशिक आणि मुलगी वंशिका कौशिक आहेत. या जोडप्याचे लग्न १९८५ मध्ये झाले.