सुपरस्टार धनुष आणि क्रिती सेनन यांची मुख्य भूमिका असलेला बहुचर्चित 'तेरे इश्क में' हा चित्रपट अखेर चित्रपटगृहांमध्ये प्रदर्शित झाला आहे. 'रांझणा' आणि 'अतरंगी रे' नंतर धनुष आणि दिग्दर्शक आनंद एल. राय यांचे हे तिसऱ्यांदा एकत्र काम असल्याने, या चित्रपटाबद्दल चाहत्यांमध्ये मोठी उत्सुकता होती. प्रदर्शनापूर्वीच जोरदार चर्चा असलेल्या या चित्रपटाने बॉक्स ऑफिसवर जबरदस्त सुरुवात केली असून, पहिल्याच दिवशी दमदार कमाई केली आहे.
सॅकनिल्कने दिलेल्या माहितीनुसार, 'तेरे इश्क में' या चित्रपटाने रिलीजच्या पहिल्या दिवशीच १६ कोटी ५० लाख रुपये इतकी कमाई केली आहे. या दमदार ओपनिंगमुळे हा चित्रपट या वर्षातील दुसरी सर्वात मोठी रोमँटिक ओपनिंग करणारा चित्रपट ठरला आहे. या यादीत अहान पांडे आणि अनीत पड्डा यांच्या 'सैयारा' हा चित्रपट २१.५ कोटी रुपयांच्या कमाईसह पहिल्या क्रमांकावर आहे.
धनुष आणि क्रितीच्या या चित्रपटाने अनेक मोठ्या बॉलिवूड चित्रपटांना कमाईच्या बाबतीत मागे टाकले आहे. 'तेरे इश्क में' ने पहिल्याच दिवशी 'जॉली एलएलबी ३' (१२ कोटी) आणि 'सितारे जमीन पर' (१०.७० कोटी) यांसारख्या चित्रपटांपेक्षा जास्त कमाई करून आपली लोकप्रियता दाखवून दिली आहे. विशेष म्हणजे, धनुषच्या बॉलिवूड कारकिर्दीतील ही सर्वात मोठी ओपनिंग ठरली आहे. धनुषने या चित्रपटाद्वारे चार वर्षांनंतर बॉलिवूडमध्ये पुनरागमन केले आहे, यापूर्वी तो 'अतरंगी रे'मध्ये दिसला होता.
'तेरे इश्क में' हा चित्रपट केवळ हिंदीतच नव्हे, तर तमिळ, तेलुगू, मल्याळम आणि कन्नड अशा एकूण पाच भाषांमध्ये प्रदर्शित झाला आहे. ॲडव्हान्स बुकिंगमध्येच या चित्रपटाने सुमारे ४.४९ कोटी रुपयांची कमाई केली होती.
आनंद एल. राय यांनी दिग्दर्शित केलेल्या या चित्रपटात एक तरुण आणि हिंसक मुलगा शंकरची कथा दिसतेय, जो मुक्ती (क्रिती सेनन) हिच्या प्रेमात पडतो. ए.आर. रहमान यांचे संगीत लाभलेल्या या चित्रपटाची निर्मिती आनंद एल. राय, हिमांशू शर्मा, भूषण कुमार आणि कृष्ण कुमार यांनी गुलशन कुमार, टी-सीरिज आणि कलर यलो प्रॉडक्शन्सच्या बॅनरखाली केली आहे.
Web Summary : Dhanush and Kriti Sanon's 'Tere Ishq Mein' opened strong, earning ₹16.5 crore on its first day. It's the second-highest romantic opening of the year, surpassing other Bollywood releases. The film is directed by Anand L. Rai.
Web Summary : धनुष और कृति सैनन की 'तेरे इश्क में' ने शानदार शुरुआत की, पहले दिन ₹16.5 करोड़ कमाए। यह साल की दूसरी सबसे बड़ी रोमांटिक ओपनिंग है, जिसने अन्य बॉलीवुड रिलीज़ को पीछे छोड़ दिया। फिल्म का निर्देशन आनंद एल. राय ने किया है।