बॉलिवूडचे दिग्गज अभिनेते धर्मेंद्र (Dharmendra) यांच्या अस्थींचे विसर्जन हरिद्वार येथील हर की पौडी घाटावर करण्यात आले. कुटुंबाच्या उपस्थितीत आज धर्मेंद्र यांच्या अस्थींचं विसर्जन पार पडले. यावेळी गुप्तता पाळण्यात आली होती. परंतु त्यावेळी समोर असलेल्या पापाराझींना पाहताच सनी देओल चांगलाच भडकलेला दिसला. काय घडलं नेमकं? जाणून घ्या.
'दैनिक भास्कर'च्या वृत्तानुसार, सकाळी साडेनऊच्या सुमारास धर्मेंद्र यांचा नातू करण देओल यांनी आजोबांच्या अस्थी गंगा नदीत विसर्जित केल्या. अस्थी विसर्जनादरम्यान करण देओल अत्यंत भावूक झाला असून त्याला अश्रू अनावर झाले.
पापाराझीवर भडकले सनी देओल
धर्मेंद्र यांच्या अस्थी विसर्जनाच्या वेळी काही पापाराझींनी त्यांचे फोटो आणि व्हिडिओ काढण्यास सुरुवात केली. यामुळे अभिनेता सनी देओल अत्यंत संतापला. सोशल मीडियावर व्हायरल झालेल्या एका व्हिडिओमध्ये सनी देओल एका फोटोग्राफरकडे जाताना दिसतो.
राग अनावर झालेल्या सनीने पापाराझीचा कॅमेरा हिसकावून घेतला आणि त्याला रागात विचारलं, "तुम्ही लोकांनी लाज विकली आहे का? तुम्हाला पैसे पाहिजेत? किती पैसे पाहिजेत?" अशा प्रकारे खासगी क्षणांमध्ये फोटो काढल्याबद्दल सनीने तीव्र नाराजी व्यक्त केली. ८९ वर्षीय धर्मेंद्र यांचे २४ नोव्हेंबर २०२५ रोजी दीर्घ आजाराने निधन झाले होते. श्वास घेण्यास त्रास होत असल्याने त्यांना मुंबईतील ब्रीच कँडी रुग्णालयात दाखल करण्यात आले होते.
Web Summary : During Dharmendra's Haridwar funeral, Sunny Deol confronted paparazzi filming the private ceremony. Upset by their intrusion, he questioned their ethics and need for payment. Dharmendra passed away November 24, 2025, at 89.
Web Summary : हरिद्वार में धर्मेंद्र के अंतिम संस्कार के दौरान, सनी देओल ने निजी समारोह की शूटिंग कर रहे पैपराजी का सामना किया। उनके दखल से परेशान होकर, उन्होंने उनकी नैतिकता और भुगतान की आवश्यकता पर सवाल उठाया। धर्मेंद्र का 24 नवंबर, 2025 को 89 वर्ष की आयु में निधन हो गया।