मनीषा कोईराला बनणार संजय दत्तची ‘आई’!
By ऑनलाइन लोकमत | Updated: February 8, 2017 13:13 IST
संजय दत्तच्या आयुष्यावर बेतलेला सिनेमा अर्थात बायोपिकमध्ये एक महत्त्वपूर्ण व्यक्तिरेखा आहे. ही व्यक्तिरेखा म्हणजे संजयची आई नर्गिस दत्त. दिग्दर्शक राजकुमार हिरानी यांनी या भूमिकेसाठी अभिनेत्री मनीषा कोईराला हिची निवड केली आहे.
मनीषा कोईराला बनणार संजय दत्तची ‘आई’!
संजय दत्तच्या आयुष्यावर बेतलेला सिनेमा अर्थात बायोपिक तयार होण्याआधीच चर्चेत आहे. तूर्तास तरी या बायोपिकची चर्चा रंगलीयं, ते एका वेगळ्या कारणाने. हे कारण म्हणजे, यातील स्टारकास्ट. आता स्टारकास्टबद्दल चर्चा व्हायचे कारण काय? असा प्रश्न तुम्हाला पडणे साहजिक आहे. कारण यात संजय दत्तची भूमिका रणबीर कपूर तर मान्यता दत्तची भूमिका दीया मिर्झा साकारत असल्याचे तुम्हाला ठाऊक आहे. पण याशिवाय या बायोपिकमध्ये आणखीही एक महत्त्वपूर्ण व्यक्तिरेखा आहे. ही व्यक्तिरेखा म्हणजे संजयची आई नर्गिस दत्त. नर्गिस यांची भूमिका कोण साकारणार, खरे तर हा उत्सुकतेचा विषय आहे. अर्थात ही उत्सुकता आता शमली आहे. दिग्दर्शक राजकुमार हिरानी यांनी या भूमिकेसाठी अभिनेत्री मनीषा कोईराला हिची निवड केली आहे.