'अबोली'पासून ते ओटीटीच्या यशापर्यंत: फिल्मफेअर ओटीटी अवॉर्ड्स २०२५मध्ये २९ वर्षांनंतर रेणुका शहाणे यांची दुहेरी विजयी कामगिरी

रेणुका शहाणे यांना धावपट्टी सिनेमा आणि दुपहिया सीरिजसाठी फिल्मफेअर अवॉर्ड मिळाला आहे. तब्बल २९ वर्षांनी रेणुका शहाणेंना फिल्मफेअर पुरस्कार मिळाला आहे. फिल्मफेअरमध्ये दोन पुरस्कार पटकावल्यानंतर रेणुका शहाणे यांनी त्यांच्या भावना व्यक्त केल्या आहेत. 

फिल्मफेअर ओटीटी अवॉर्ड सोहळा नुकताच पार पडला. या अवॉर्ड सोहळ्यात अभिनेत्री रेणुका शहाणे यांनी एक नव्हे तर दोन पुरस्कार आपल्या नावावर केले आहेत. रेणुका शहाणे यांना धावपट्टी सिनेमा आणि दुपहिया सीरिजसाठी फिल्मफेअर अवॉर्ड मिळाला आहे. तब्बल २९ वर्षांनी रेणुका शहाणेंना फिल्मफेअर पुरस्कार मिळाला आहे. फिल्मफेअरमध्ये दोन पुरस्कार पटकावल्यानंतर रेणुका शहाणे यांनी त्यांच्या भावना व्यक्त केल्या आहेत. 

रेणुका शहाणे यांना  १९९५ मध्ये मराठी चित्रपट 'अबोली'साठी पहिला फिल्मफेअर पुरस्कार मिळाला होता. त्या काळात मराठी सिनेमा अजून आपली ओळख निर्माण करत होता आणि त्या सुरुवातीच्या सन्मानाने त्यांच्या कलात्मक प्रवासाची आशादायक सुरुवात झाली. आज, २९ वर्षांनंतर, शहाणे यांना धावपट्टीसाठी सर्वोत्कृष्ट दिग्दर्शक आणि दुपहिया या मालिकेसाठी मालिकेतील सर्वोत्कृष्ट सहाय्यक अभिनेत्री असे दोन फिल्मफेअर पुरस्कार मिळाले असून, चित्रपट आणि कथाकथन क्षेत्रातील त्यांच्या सातत्यपूर्ण प्रभावाची पुन्हा एकदा प्रचिती आली आहे.

या महत्त्वाच्या टप्प्यावर भावना व्यक्त करताना त्या म्हणाल्या, “१९९५ मध्ये अबोलीसाठी मिळालेला फिल्मफेअर पुरस्कार हा मराठी चित्रपटासाठी मिळालेला माझा पहिला पुरस्कार होता. त्या काळात मराठी सिनेमा अजून विकसित होत होता आणि फिल्मफेअर जिंकणे म्हणजे माझ्या प्रवासाची एक उज्ज्वल सुरुवात होती. २९ वर्षांनंतर दोन फिल्मफेअर पुरस्कार मिळणे हे शांत, पण अत्यंत प्रभावी घरवापसीसारखे वाटते—जे वाढ, सातत्य आणि कलेवरील प्रेमाचे प्रतिबिंब आहे”.