अभिनेता विकी कौशल (Vicky Kaushal) आणि अभिनेत्री रश्मिका मंदाना (Rashmika Mandanna) यांचा 'छावा' सिनेमा (Chhaava Movie) १४ फेब्रुवारी प्रेक्षकांच्या भेटीला आला आहे. हा चित्रपट प्रदर्शित झाल्यापासून बॉक्स ऑफिसवर तुफान कामगिरी करताना दिसत आहे. या वर्षातील आतापर्यंतचा सर्वात जास्त कमाई करणारा सिनेमा ठरला आहे. छावा चित्रपटातील कलाकारांसाठीही हा चित्रपट लकी ठरला आहे. छावामध्ये अकबरची भूमिका साकारणारा अभिनेता नील चंद्रमोहन भूपालम (Neil Bhoopalam) याचेही खूप कौतुक होत आहे.
आपल्या दमदार अभिनयासाठी ओळखला जाणारा अभिनेता नील भूपालम याने आतापर्यंत ३५ हून जास्त प्रोजेक्ट्समध्ये काम केले आहे. अलिकडेच त्याने छावामध्ये अकबरची भूमिका साकारली आहे. या भूमिकेसाठी त्याचे कौतुक होत आहे. नील भूपलमने २००६ मध्ये 'मेरा दिल लेके देखो' या चित्रपटातून करिअरला सुरुवात केली. यानंतर त्याने कधीच मागे वळून पाहिले नाही. ऑफशोर नावाचा चित्रपट केल्यानंतर नीलने ब्रिट्झ नावाच्या टीव्ही मालिकेतही काम केले. यासोबतच त्यांनी अनेक लघुपटांमध्येही आपले अभिनय कौशल्य दाखवले. २०११ मध्ये रिलीज झालेल्या 'नोव्हन किल्ड जसिका' या चित्रपटातील तिच्या अभिनयाचे खूप कौतुक झाले होते.
अनुष्का शर्मासोबत झळकला मुख्य भूमिकेत
नील भूपलामने बऱ्याच सिनेमात काम केले आहे. २०१४ साली रिलीज झालेल्या 'बॉम्बे टॉकीज'मध्ये दमदार काम केले होते. नीलने अनुष्का शर्मासोबत एनएच १०मध्ये मुख्य भूमिकेत झळकला होता. त्यानंतर २०१८मध्ये रिलीज झालेल्या कालाकांडी सिनेमातही त्याने काम केले आहे. त्याने सैफ अली खानसोबत स्क्रीन शेअर केली होती. २०१८ साली रिलीज झालेल्या लस्ट स्टोरीमध्ये महत्त्वाच्या भूमिकेत दिसला होता. या चित्रपटात त्याने भूमीसोबत इंटिमेट सीन्स दिले होते.
'छावा'मध्ये साकारली अकबरची भूमिका नील भूपलम हा त्या बॉलिवूड अभिनेत्यांपैकी एक आहे ज्यांना मुख्य आणि साईड रोल करण्यात कोणतीही अडचण येत नाही. नायक म्हणून नीलनेही अनेक पात्रांमध्ये प्राण फुंकले आहेत. याशिवाय अनेक मोठ्या चित्रपटांमध्ये पडद्यावर छोट्या-छोट्या व्यक्तिरेखा साकारताना त्याने अप्रतिम अभिनय दाखवला आहे. छावामध्ये नीलची छोटीशी भूमिका होती पण ती खूपच प्रभावी होती. नीलने छावामध्ये अकबरची भूमिका साकारली होती. या पात्रातील नीलच्या अभिनयाचेही खूप कौतुक झाले.