पुन्हा तयार होतोय ‘बाहुबली’... तयारी पूर्ण...! वाचा संपूर्ण बातमी!!
By ऑनलाइन लोकमत | Updated: December 21, 2017 15:18 IST
भारतीय सिनेसृष्टीच्या इतिहासात अनेक विक्रमांवर नाव कोरणारा ‘बाहुबली’ हा सिनेमा पुन्हा प्रेक्षकांना पाहायला मिळणार आहे. सध्या या चित्रपटाचे शूटींग ...
पुन्हा तयार होतोय ‘बाहुबली’... तयारी पूर्ण...! वाचा संपूर्ण बातमी!!
भारतीय सिनेसृष्टीच्या इतिहासात अनेक विक्रमांवर नाव कोरणारा ‘बाहुबली’ हा सिनेमा पुन्हा प्रेक्षकांना पाहायला मिळणार आहे. सध्या या चित्रपटाचे शूटींग सुरु आहे. आश्चर्य वाटले ना, पण हे खरे आहे. होय, ‘बाहुबली’ पुन्हा तयार होतो आहे. फरक इतकाच की, यातील ‘बाहुबली’ ना हिंदी बोलणार, ना तामिळ, ना तेलगू. या चित्रपटातील ‘बाहुबली’ बोलणार ते भोजपुरी. कारण हा चित्रपट भोजपुरी भाषेत तयार होतो आहे. होय, ‘बाहुबली’च्या धर्तीवर साकारल्या जाणा-या भोजपुरीच्या या चित्रपटाचे नाव असेल ‘वीर योद्धा महाबली’. आता या चित्रपटात प्रभासची अर्थात ‘बाहुबली’ची भूमिका कोण साकारणार, ही उत्सुकता तुम्हाला असणारच. तर ही भूमिका साकारणार आहे, भोजपुरी स्टार दिनेश लाल यादव निरहुआ.