बॉलिवूडची प्रसिद्ध अभिनेत्री नफीसा अली यांनी कॅन्सरशी सामना केल्यानंतर आता पुन्हा एकदा चित्रपटात त्यांना काम करायचं आहे. 62 वर्षीय नफीसा अली यांनी नुकतंच सोशल मीडियावर एक फोटो शेअर करत इमोशनल पोस्ट लिहिली. या पोस्टच्या माध्यमातून त्यांनी पुन्हा एकदा बॉलिवूडमध्ये काम करण्याची इच्छा व्यक्त केली आहे.
नफीसा यांनी सांगितलं की, त्या चांगल्या स्क्रीप्ट्सच्या शोधात आहेत आणि त्यांच्या भावना व्यक्त करण्यासाठी त्यांना काम करायचं आहे. त्यांनी म्हटलं की, मी नफीसा अली सोढी. भारतीय चित्रपटात एक चांगली भूमिका साकारायची आहे. एक ज्येष्ठ अभिनेत्री असल्यामुळे मी चांगल्या स्क्रीप्टच्या शोधात आहे. माझ्या भावना व्यक्त करण्यासाठी मी काम शोधते आहे.
नफीसा यांच्या पूर्वी अभिनेत्री नीना गुप्ता हिने देखील सोशल मीडियावर एक भावनिक पोस्ट लिहून सिनेइंडस्ट्रीत काम मागितलं होतं. नीना गुप्ता यांच्या पावलावर पाऊल टाकत आता नफीसा अली यांनीदेखील काम मागण्यासाठी सोशल मीडियाची मदत घेतली.
त्या शेवटच्या साहेब बीवी और गँगस्टर 3 चित्रपटात झळकल्या होत्या.