"हे बंड नाही, लव्ह जिहाद...", मोनालिसाला सिनेइंडस्ट्रीत आणणाऱ्या दिग्दर्शकाचा धक्कादायक आरोप

त्यांचा उद्देश माननीय योगी आदित्यनाथजींचे महाआयोजन 'महाकुंभ' अपयशी ठरवणे हाच होता..., दिग्दर्शकाची लांबलचक पोस्ट

महाकुंभ मेळ्यातील व्हायरल गर्ल मोनालिसाने काल केरळच्या फरमान खानशी लग्न करुन सर्वांना धक्का दिला. मोनालिसाने कुटुंबाच्या विरोधात जाऊन केरळ गाठलं आणि थेट फरमानशी लग्न केलं. तिचे वडील तिला परत आणण्यासाठी केरळला पोहोचले मात्र तिने विरोध केला. मोनालिसा आणि फरमानचं गेल्या दीड वर्षापासून अफेअर असल्याचं समोर आलं. मोनालिसाला सिनेइंडस्ट्रीत ब्रेक देणारे दिग्दर्शक सनोज मिश्रा यांनाही धक्काच बसला. त्यांनी या प्रकरणाला लव्ह जिहाद नाव देत लांबलचक पोस्ट शेअर केली आहे.

काय आहे दिग्दर्शक सनोज मिश्रा यांची पोस्ट?

ते लिहितात, "हा बंड नाही तर लव्ह जिहाद आहे आणि माझ्या आयुष्यातला सर्वात वाईट दिवस आहे. मोनालिसा आज पुन्हा चर्चेत आहे आणि मी नैराश्यात आहे. कारण, महाकुंभात व्हायरल झाल्यानंतर जंगलात राहणारी एक गरीब मुलगी धावत आपल्या 'डेरा महेश्वर'ला गेली होती. मला तिची गंगेसारखी पवित्रता आणि तिचे निसर्गासारखे रूप आवडले होते. मी तिला प्रशिक्षण देऊन चित्रपटात अभिनेत्री बनवण्याची घोषणा केली, ज्याचे देश-विदेशात स्वागत झाले. परंतु, ही गोष्ट आमचे विरोधक वसीम रिझवी आणि त्याचे 'मूत्रपान' करून मीडियात येण्यासाठी उत्सुक असलेल्या लोकांना आवडली नाही. त्यांनी मला खोट्या आरोपाखाली तुरुंगात पाठवले. त्यांचा उद्देश माननीय योगी आदित्यनाथजींचे महाआयोजन 'महाकुंभ' अपयशी ठरवणे हाच होता. मी तुरुंगात राहून चित्रपटाची कथा लिहिली. जे 'मूतपुत्र' म्हणत होते की सनोज कधीच चित्रपट बनवणार नाही, त्यांच्या तोंडावर मी चित्रपट पूर्ण करून अशी चपराक लगावली की आता त्यांना कोणतेही आरोप सुचेनासे झाले आहेत. आता काय करावे हे न समजल्यामुळे ते एकमेकांच्या बंद दारातून डोकावत राहिले.

मोनालिसा आणि तिच्या संघर्षाची बाजूत्यांच्याकडे एकच पर्याय उरला होता - मोनालिसा, जिला मी 'मां गंगा'चा अवतार मानत होतो. मोनालिसाचे आयुष्य दिसते तितके सोपे नाही. तिची आई, मोठी आई, छोटी आई, बाबा, मोठे बाबा, छोटे बाबा हे सर्व केवळ नावापुरते तिचे नातेवाईक होते. तिचे आयुष्य तिच्या खऱ्या आईवर अवलंबून होते, जिला तिच्या वडिलांनी घराबाहेर काढून दुसरे लग्न केले होते. बंजारा समाजाचे नियम आणि शिस्त वेगळी असल्याने मोनालिसाला तिच्या सावत्र आईचा स्वीकार करावा लागलाती जेव्हा मोठी सेलिब्रिटी बनली आणि तिला तिची खरी आई भिकाऱ्यासारखी माळा विकताना दिसायची, तेव्हा ती रडायची. अनेकदा तिने हे दुःख माझ्याकडे व्यक्त केले होते आणि बंड करण्याची इच्छाही बोलून दाखवली होती की, 'कधी संधी मिळाली तर सर्वांना लाथ मारून मी माझ्या आईकडे जाईन.' मी नेहमी तिला समजावले, पण वैयक्तिक विषयात हस्तक्षेप करणे योग्य नव्हते, कारण इस्लामिक शक्तींनी मला 'बलात्कारी' ठरवण्यात कोणतीही कसर सोडली नव्हती.

लव्ह जिहादचा आरोपमोनालिसाने आज उचललेले पाऊल तिला 'बंड' वाटत असेल, पण प्रत्यक्षात हा लव्ह जिहाद आहे, ज्याची ती शिकार झाली आहे. यामध्ये तो 'तोतला शिक्षक' देखील सामील आहे, जो माझ्याकडून पगार घेत असतानाच मोनालिसाचा मॅनेजर आणि दलाल बनला होता. आज तो बेरोजगार झाला आहे. मी त्याची निवड मोनालिसाला शिक्षित करण्यासाठी केली होती, पण नंतर दलाल बनून त्याने मोनालिसाचा सौदा दक्षिण भारताशी केला. त्याने माझ्या आणि बंजारा समुदायामध्ये अंतर निर्माण केले, ज्याचा परिणाम आज समोर आहे. त्याने बंजारा समाजाला आणि मोनालिसाला इतकेच शिकवले होते की, "इथपर्यंत पोहोचवण्यासाठी तुम्हाला कोणी मदत केली," असा प्रश्न आल्यास काय बोलावे.