बॉलिवूड स्टार व मॉडेल लीसा हेडन दुस-यांदा आई होणार आहे. होय, लीसाने एक फोटो शेअर करत खुद्द ही गुड न्यूज चाहत्यांशी शेअर केली. या फोटोत लीसा तिचा पती डिनो ललवानी आणि मुलगा जॅकसोबत दिसते आहे. या फोटोत तिचा बेबी बम्प स्पष्ट दिसतोय. क्वीन आणि शौकीन सारख्या चित्रपटांमध्ये महत्त्वपूर्ण भूमिका साकारणारी लीसा 2016 मध्ये बॉयफ्रेन्ड डिनो लालवानीसोबत लग्नबंधनात अडकली होती. लग्नानंतर सात महिन्यांनी म्हणजे १७ मे २०१७ रोजी लीसा ने मुलाला जन्म दिला होता. मुलासोबतचे अनेक फोटो लीसा सोशल मीडियावर शेअर करत असते.
आता लीसा दुस-यांदा आई होणार आहे. ‘लवकरच चौघे जण पार्टी करताना दिसतील,’ असे कॅप्शन देत लीसाने प्रेग्नंसीची न्यूज शेअर केली आहे. यानंतर बॉलिवूडच्या अनेकांनी तिच्यावर शुभेच्छांचा वर्षाव केला. सोनम कपूर, एमी जॅक्सन, पूजा हेगडे, गौहर खान अशा अनेकांनी तिला शुभेच्छा दिल्यात.