अर्जुन कपूर, हृतिक रोशन नव्हे तर बॉलिवूडमधील हा प्रसिद्ध अभिनेता साकारणार कपिल देव यांची भूमिका
By ऑनलाइन लोकमत | Updated: September 25, 2017 10:55 IST
कपिल देव यांच्या आयुष्यावर आधारित एक चित्रपट बनवला जात असल्याची गेल्या कित्येक दिवसांपासून चर्चा आहे. या चित्रपटात हृतिक रोशन ...
अर्जुन कपूर, हृतिक रोशन नव्हे तर बॉलिवूडमधील हा प्रसिद्ध अभिनेता साकारणार कपिल देव यांची भूमिका
कपिल देव यांच्या आयुष्यावर आधारित एक चित्रपट बनवला जात असल्याची गेल्या कित्येक दिवसांपासून चर्चा आहे. या चित्रपटात हृतिक रोशन अथवा अर्जुन कपूर कपिल देव यांच्या भूमिकेत झळकणार असल्याचे म्हटले जात होते. या चित्रपटासाठी अर्जुन कपूरची निवड देखील झाली गेली असल्याची दोन-तीन दिवसांपासून चांगलीच चर्चा आहे. पण अर्जुन किंवा हृतिक नव्हे तर एका दुसऱ्याच अभिनेत्याने बाजी मारली आहे. रणवीर सिंग आता कपिल देव यांची भूमिका साकारणार असून रणवीर पहिल्यांदाच प्रेक्षकांना एका क्रिकेटरच्या भूमिकेत पाहायला मिळणार आहे.कपिल देव यांच्या चित्रपटाची घोषणा झाल्यापासून अनेक अभिनेत्यांची नावे चर्चेत होती. त्यामुळे या सगळ्या अभिनेत्यांमध्ये कोणता अभिनेता बाजी मारणार याची सगळ्यांना उत्सुकता लागली होती. ट्रेड अॅनालिस्ट तरण आदर्श यांनी ट्वीट करून ही बातमी सगळ्यांना सांगितली आहे. त्यांनी ट्वीटमध्ये म्हटले आहे की, कबिर खान कपिल देव यांच्या आय़ुष्यावर आधारित एक चित्रपट बनवत असून रणवीर सिंग या चित्रपटात प्रेक्षकांना क्रिकेटरच्या भूमिकेत दिसणार आहे.