आमिर खान प्रोडक्शन्सच्या आगामी 'एक दिन' या चित्रपटाबद्दल प्रेक्षकांमध्ये प्रचंड उत्सुकता आहे. एक गोड आणि हृदयाला भिडणारी प्रेमकथा सांगणाऱ्या या चित्रपटाने आपल्या ट्रेलर आणि सुरेल संगीतामुळे आधीच प्रेक्षकांची मने जिंकली आहेत. ‘एक दिन’मधील गाणी आधीपासूनच प्रेक्षकांच्या पसंतीस उतरली आहेत, आणि आता मेकर्सनी आणखी एक नवे गाणे ‘कोनिचिवा’ रिलीज केले आहे. हे एक सुंदर ट्रॅव्हल साँग असून जपानच्या निसर्गरम्य सौंदर्यासोबतच मुख्य कलाकारांमधील गोड केमिस्ट्रीही अप्रतिमपणे दाखवते.
आमिर खान प्रोडक्शन्सचा ‘एक दिन’ या चित्रपटामुळे आमिर खान आणि दिग्दर्शक मन्सूर खान ही जोडी बर्याच काळानंतर पुन्हा एकत्र येत आहे. हिंदी चित्रपटसृष्टीतील ही एक अत्यंत लोकप्रिय जोडी मानली जाते. या जोडीने ‘कयामत से कयामत तक’, ‘जो जीता वही सिकंदर’, ‘अकेले हम अकेले तुम’ आणि ‘जाने तू... या जाने ना’ सारखे अविस्मरणीय चित्रपट दिले आहेत. ‘एक दिन’द्वारे ते पुन्हा एकदा रोमँटिक जॉनरमध्ये परतत आहेत, ज्यामुळे चाहत्यांमध्ये नव्या उत्साहाची लाट निर्माण झाली आहे. त्यांच्या पुनरागमनामुळे प्रेक्षकांची उत्सुकता अधिकच वाढली असून ते पुन्हा एकदा पडद्यावर कोणती जादू घडवतात याची सर्वांना आतुरता आहे.
‘एक दिन’मध्ये साई पल्लवी आणि जुनैद खान मुख्य भूमिकेत आहेत. या चित्रपटाचे दिग्दर्शन सुनील पांडे यांनी केले असून, निर्मिती आमिर खान, मन्सूर खान आणि अपर्णा पुरोहित यांनी केली आहे. हा चित्रपट १ मे २०२६ रोजी चित्रपटगृहांमध्ये प्रदर्शित होणार आहे.
Web Summary : Aamir Khan Productions' 'Ek Din' releases 'Konichiwa,' a travel song filmed in Japan featuring Sai Pallavi and Junaid Khan. The film is directed by Sunil Pandey and releases May 1, 2026. Aamir Khan and Mansoor Khan collaborate again after many years.
Web Summary : आमिर खान प्रोडक्शंस की 'एक दिन' का 'कोनिचिवा' गाना रिलीज़ हुआ, जिसकी शूटिंग जापान में हुई है। इस गाने में साई पल्लवी और जुनैद खान हैं। फिल्म का निर्देशन सुनील पांडे ने किया है और यह 1 मई, 2026 को रिलीज़ होगी। आमिर खान और मंसूर खान कई सालों बाद फिर साथ आए हैं।