‘जॉली एलएलबी’चा वाद पोहोचला कोर्टात; ३ फेब्रुवारीला होणार सुनावणी
By ऑनलाइन लोकमत | Updated: February 1, 2017 20:47 IST
बॉलिवूडचा खिलाडी अक्षय कुमारचा आगामी चित्रपट ‘जॉली एलएलबी २’ रिल लाईफच्या कोर्टातून रिअल कोर्टात पोहचला आहे. ‘जॉली एलएलबी-२’ या ...
‘जॉली एलएलबी’चा वाद पोहोचला कोर्टात; ३ फेब्रुवारीला होणार सुनावणी
बॉलिवूडचा खिलाडी अक्षय कुमारचा आगामी चित्रपट ‘जॉली एलएलबी २’ रिल लाईफच्या कोर्टातून रिअल कोर्टात पोहचला आहे. ‘जॉली एलएलबी-२’ या चित्रपटाविरोधात एक याचिका दाखल करण्यात आली आहे. या चित्रपटातून वकिली व्यवसायाची आणि न्यायालयीन प्रक्रियेची थट्टा करण्यात आल्याचा आक्षेप याचिकाकर्त्यांनी नोंदविला आहे. मुंबई उच्च न्यायालयात दाखल करण्यात आलेल्या याचिकेविरोधात निर्मात्यांनी सुप्रीम कोर्टाचा दरवाजा ठोठावला असून यावर ३ फेब्रुवारी रोजी सुनावणी करण्यात येणार आहे. अ‍ॅड. अजयकुमार वाघमारे, अ‍ॅड. पंडितराव आनेराव यांनी ‘जॉली एलएलबी २’ विरोधात मुंबई उच्च न्यायालयाच्या औरंगाबाद खंडपीठात याचिका दाखल केली होती. सिनेमाच्या ट्रेलरमध्ये वकील न्यायालयात पत्ते खेळतात, न्यायाधीशाच्या डायसवर धावून जातात, न्यायाधीशांसमोर हाणामारी आणि बीभत्स नृत्यही करतात, असे दाखविण्यात आले आहे. चित्रपट सत्य घटनेवर आधारित आहे, असं लिहून निर्माता आणि दिग्दर्शकांनी न्यायव्यवस्थेची आणि वकिली व्यवसायाची थट्टा केली असल्याचा आरोप याचिकेत करण्यात आला आहे. Read More : अक्षय कुमार-रजनीकांतचा मास्टर प्लॉन तयार