'रेड २' (Raid 2) च्या यशानंतर अजय देवगण लवकरच बॉक्स ऑफिसवर आणखी एक सीक्वल घेऊन येत आहे. सलग दोन धमाकेदार अ‍ॅक्शन आणि ड्रामानंतर, अभिनेता 'सन ऑफ सरदार २' (Son Of Sardar 2 Movie) द्वारे प्रेक्षकांना कॉमेडीचा एक डोस देण्यासाठी सज्ज झाला आहे. हा आगामी अ‍ॅक्शन कॉमेडी 'सन ऑफ सरदार' (२०१२) चा सीक्वल आहे आणि हा चित्रपट या वर्षी थिएटरमध्ये प्रदर्शित होणार आहे.
'सन ऑफ सरदार २' हा चित्रपट देखील खास आहे कारण हा दिवंगत अभिनेता मुकुल देवचा शेवटचा चित्रपट आहे. मुकुल देवचे २३ मे २०२५ रोजी निधन झाले. चित्रपटाच्या इतर कलाकारांमध्ये विंदू दारा सिंह, रवी किशन आणि शरत सक्सेना यांचा समावेश आहे. 'सन ऑफ सरदार २'मध्ये मृणाल ठाकूर देखील मुख्य भूमिकेत आहेत. पण चित्रपटात अजय देवगणच्या पत्नीची भूमिका एक पंजाबी अभिनेत्री साकारणार आहे.
नीरू बाजवा साकारणार ही भूमिका
सन ऑफ सरदार २ मध्ये मृणाल ठाकूर मुख्य भूमिकेत आहे. मात्र प्रोजेक्टशी संबंधित एका जवळच्या सूत्राने डीएनएकडे खुलासा केला आहे की मृणाल ही चित्रपटातील एकमेव मुख्य अभिनेत्री नाही. वृत्तानुसार, पंजाबी स्टार अभिनेत्री नीरू बाजवा या चित्रपटात महत्त्वाची भूमिका साकारणार आहे. एका सूत्राने खुलासा केला आहे की नीरू अजय देवगणच्या पत्नीची भूमिका साकारणार आहे.
नीरू बाजवाच्या वर्कफ्रंटबद्दलनीरू ही पंजाबी चित्रपटसृष्टीतील लोकप्रिय अभिनेत्रींपैकी एक आहे. तिने टॉप प्रोडक्शन हाऊस आणि मोठ्या स्टार्ससोबत काम केले आहे आणि जट्ट अँड ज्युलिएट फ्रँचायझी आणि सरदारजी फ्रँचायझीसह अनेक सुपरहिट आणि ब्लॉकबस्टर चित्रपट दिले आहेत. नीरूने बॉलिवूडमध्येही नशीब आजमावले आणि प्रिन्स: इट्स शोटाइममध्ये विवेक ओबेरॉयसोबत सुरूवात केली होती. मात्र प्रिन्ससोबतची तिची कारकीर्द फारशी यशस्वी ठरली नाही.
'सन ऑफ सरदार २'बद्दलअ‍ॅक्शन कॉमेडी सन ऑफ सरदार २ हा अजय देवगणचा २०२५ मधील दुसरा चित्रपट आहे जो त्याच्या रेड २ या हिट चित्रपटानंतर प्रदर्शित झाला आहे. सन ऑफ सरदार पार्ट वन १२ नोव्हेंबर २०१२ रोजी प्रदर्शित झाला होता. सन ऑफ सरदारची टक्कर शाहरुख खानच्या जब तक है जानशी झाली होती. सन ऑफ सरदार २ २५ जुलै रोजी चित्रपटगृहात प्रदर्शित होणार आहे. नुकताच चित्रपटाचा पहिला लूक प्रदर्शित झाला. तो पाहिल्यानंतर चाहते या चित्रपटाच्या प्रदर्शनाची आतुरतेने वाट पाहत आहेत.