पटकथा लेखक अपूर्व असरानी आणि अभिनेत्री कंगना राणौतचा वाद तसा जुनाच. ‘सिमरन’ या चित्रपटाच्या कथालेखनाचे श्रेय घेण्यावरून अपूर्व असरानी आणि कंगना राणौत यांचे बिनसले होते. आता अपूर्व असरानीने पुन्हा एकदा कंगनाला लक्ष्य केले आहे. अपूर्व यांनी एका ट्विटमधून कंगनावर हल्ला चढवला आहे.चित्रपटात कॅमेऱ्याच्या मागेही लुडबूड करणे, लोकांवर वरचढ होणे आणि आपलेच ते खरे करण्याचा स्वभाव कंगनासाठी ‘हारा-किरी’सारखे (आत्मघात) आहे. स्वत:लाचं गर्तेत ढकलण्याचे काम कंगना करतेय, असे त्यांनी म्हटले आहे.
‘सिमरन’ या चित्रपटाची कथा अपूर्वने लिहिली आहे. पण अचानक चित्रपटाच्या कथालेखनाचे श्रेय कंगनाला विभागून दिले गेले. पटकथेचे सगळे श्रेय कंगना लाटत असलेली पाहून अपूर्व भलताच संतापला होता. कारण अपूर्वचे मानाल तर त्याने या कथेसाठी त्याच्या आयुष्याची दोन वर्षे दिली हो.