तुम्हाला माहीत आहे का माधुरी दिक्षित या अभिनेत्यासोबत करणार होती लग्न...
By ऑनलाइन लोकमत | Updated: May 15, 2017 11:46 IST
संजय दत्तच्या आयुष्यावर चित्रपट बनवला जातोय हे ऐकल्यावर माधुरी दिक्षित प्रचंड घाबरली होती. माधुरी आणि संजय हे एकेकाळी एकमेकांच्या ...
तुम्हाला माहीत आहे का माधुरी दिक्षित या अभिनेत्यासोबत करणार होती लग्न...
संजय दत्तच्या आयुष्यावर चित्रपट बनवला जातोय हे ऐकल्यावर माधुरी दिक्षित प्रचंड घाबरली होती. माधुरी आणि संजय हे एकेकाळी एकमेकांच्या प्रेमात होते, ते लग्नही करणार असल्याची चर्चा होती. त्यामुळे संजयच्या आयुष्यावर बनवल्या जाणाऱ्या चित्रपटात माधुरीचा उल्लेख होऊ शकतो याची भीती माधुरीला असल्याने तिने संजयला फोन करून तिचा उल्लेख वगळण्याची विनंती देखील केली असल्याची चर्चा गेल्या कित्येक दिवसांपासून आहे. संजय आणि माधुरीचे ब्रेकअप होऊन २५ वर्षांपेक्षा अधिक काळ लोटला आहे. त्यामुळे या जुन्या आठवणी उगळण्यात काय अर्थ आहे असे माधुरीचे म्हणणे असल्याचे म्हटले जात होते. आज माधुरीच्या वाढदिवसाच्या निमित्ताने आपण जाणून घेऊया माधुरी आणि संजयच्या प्रेमकथेविषयी...माधुरी दिक्षितने फिल्म इंडस्ट्रीत आल्यानंतर काहीच वर्षांत आपले बस्तान बसवले. संजय दत्तही त्याकाळात एक प्रसिद्ध अभिनेता होता. दोघांच्या प्रसिद्धीचा विचार करून त्यांना साजन या चित्रपटासाठी साईन केले गेले. हा चित्रपट आणि त्यातील गाणी प्रचंड गाजली होती. याच चित्रपटाच्या चित्रीकरणा दरम्यान माधुरी आणि संजय एकमेकांच्या प्रेमात पडले असे म्हटले जाते. त्यावेळी संजयचे लग्न झालेले होते आणि त्याला एक मुलगीही होती.