वरुणच्या ‘ढिशूम’ला पाकिस्तानमध्ये बंदी

रोहित धवन दिग्दर्शित नुकताच रिलीज झालेला  ‘ढिशूम’ या चित्रपटाला पाकिस्तानमध्ये बंदी घालण्यात आली आहे. यामुळे अभिनेता वरुण धवन हा खूप नाराज झाला आहे. वरुणने ट्विटवर म्हटले आहे की, चित्रपटामध्ये कोणत्याही देशाला वाईट दाखविलेले नाही. चित्रपटावर बंदी घालण्याचा चुकीचा निर्णय त्यांनी घेतला आहे. पाकिस्तानमध्ये बंदी घातल्याने निर्मात्याला नुकसानीचा हा मोठा फटका आहे.या चित्रपटात वरुण हा जुनैद अन्सारी नावाच्या पोलीस अधिकाऱ्याच्या भूमिकेत आहे. चित्रपटाची स्टोरी भारताच्या मुख्य खेळाडूच्या आसपास फिरणारी आहे. पाकिस्तान सोबत असलेल्या सामन्यापूर्वी त्याचे अपहरण केले जाते. त्याला शोधण्यासाठी जॉन अब्राहम यास भारतातून पाठविण्यात येते. रोहित धवन दिग्दर्शित या चित्रपटात वरुण सोबतच जॉन अब्राहम, जॅकलीन फर्नांडिस आहेत. चित्रपटाची सुरुवात ही चांगली झाली, परंतु, पुढे काय होते बघूया.