अतिशय सुंदर आहे आशिष विद्यार्थीची पत्नी, पाहा तिचे फोटो

आशिष विद्यार्थी अनेक वर्षं बॉलिवूड इंडस्ट्रीचा भाग असले तरी त्यांच्या खाजगी आयुष्याविषयी खूपच कमी जणांना माहिती आहे.

ठळक मुद्देआशिष विद्यार्थी यांचे लग्न एका अभिनेत्रीसोबत झाले आहे. त्यांची पत्नी ही बंगाली इंडस्ट्रीतील प्रसिद्ध अभिनेत्री आहे. त्यांचे लग्न अभिनेत्री शकुंतला बरुआ यांची मुलगी राजोशी बरुआ यांच्यासोबत झाले असून राजोशी यांनी अनेक बंगाली मालिकांमध्ये काम केले आहे.

आशिष विद्यार्थी यांनी बॉलिवूडमध्ये गेल्या काही वर्षांत आपले एक वेगळे स्थान निर्माण केले आहे. त्यांनी अनेक चित्रपटांत साकारलेला खलनायक प्रेक्षकांना चांगलाच भावला आहे. आशिष विद्यार्थी यांच्याविषयी आम्ही तुम्हाला आज एक खास गोष्ट सांगणार आहोत. त्यांनी हिंदी, तामीळ, कन्नड, मल्याळम, तेलगू, बंगाली, इंग्रजी, ओडिसा आणि मराठी भाषेतील चित्रपटांमध्ये काम केले आहे. ते केवळ एक चांगले अभिनेते नव्हे तर खूपच चांगले मोटिव्हेशनल स्पीकर देखील आहेत. त्यांनी चित्रपटांप्रमाणे मालिकांमध्ये देखील काम केले आहे. त्यांना द्रोहकाल या त्यांच्या चित्रपटातील अभिनयासाठी राष्ट्रीय पुरस्काराने गौरवण्यात देखील आलेले आहे.

आशिष विद्यार्थी अनेक वर्षं बॉलिवूड इंडस्ट्रीचा भाग असले तरी त्यांच्या खाजगी आयुष्याविषयी खूपच कमी जणांना माहिती आहे. ते मुलाखतींमध्ये देखील आपल्या कुटुंबियांविषयी न बोलणेच पसंत करतात. आशिष विद्यार्थी यांचे लग्न एका अभिनेत्रीसोबत झाले आहे. त्यांची पत्नी ही बंगाली इंडस्ट्रीतील प्रसिद्ध अभिनेत्री आहे. त्यांचे लग्न अभिनेत्री शकुंतला बरुआ यांची मुलगी राजोशी बरुआ यांच्यासोबत झाले असून राजोशी यांनी अनेक बंगाली मालिकांमध्ये काम केले आहे. सुहानी सी एक लडकी या हिंदी मालिकेतील त्यांच्या भूमिकेचे चांगलेच कौतुक झाले होते. त्या दोघांना एक मुलगा असून त्यांच्या मुलाचे नाव अर्थ आहे.

आशिष विद्यार्थी यांचा जन्म हा केरळमधील असून त्यांच्या आई या प्रसिद्ध कथ्थक नर्तिका होत्या. त्यांनी कॉलेज जीवनात असताना रंगभूमीवर काम करायला सुरुवात केली. तसेच नॅशनल स्कूल ऑफ ड्रामामध्ये अभिनयाचे धडे गिरवले. त्यांनी सरदार या चित्रपटाद्वारे त्यांच्या बॉलिवूडमधील कारकिर्दीला सुरुवात केली. त्यांनी सरदार या चित्रपटाचे चित्रीकरण आधी केले असले तरी त्यांचा द्रोहकाल हा चित्रपट पहिल्यांदा प्रदर्शित झाला.

द्रोहकाल या चित्रपटातील त्यांची भूमिका चांगलीच गाजली. या चित्रपटानंतर त्यांनी कधीच मागे वळून पाहिले नाही. त्यांनी आजवर अनेक चित्रपटांमध्ये नकारात्मक भूमिका साकारल्या असून प्रेक्षकांचा खूप चांगला प्रतिसाद त्यांच्या भूमिकांना मिळालेला आहे. इस रात की सुबह नही, १९४२ अ लव्ह स्टोरी, जीत, जिद्दी या चित्रपटांमधील त्यांच्या भूमिकांचे चांगलेच कौतुक झाले आहे. त्यांनी अल्ट बालाजीच्या मिशन ओव्हर मार्स या वेबसिरिजमध्ये देखील काम केले आहे.