अमिताभने काढली फ्लिंटॉफची ‘विकेट’!
By ऑनलाइन लोकमत | Updated: April 7, 2016 14:17 IST
अमिताभ बच्चन यांना उगीच ‘बॉलिवूडचा शहंशाह’ नाही म्हणत. कोणीही असू देत, सिनियर बच्चनसमोर सर्वांचीच बोलती बंद होते. याची प्रचिती ...
अमिताभने काढली फ्लिंटॉफची ‘विकेट’!
अमिताभ बच्चन यांना उगीच ‘बॉलिवूडचा शहंशाह’ नाही म्हणत. कोणीही असू देत, सिनियर बच्चनसमोर सर्वांचीच बोलती बंद होते. याची प्रचिती इंग्लंडचा पूर्व क्रिकेटर अँड्य्रू फ्लिंटॉफला आली.सध्या ट्विटरवर फ्लिंटॉफ आणि अमिताभ यांच्यामध्ये चांगलीच जुंपलेली आहे. टी-20 क्रिकेट विश्वकपदरम्यान सामान्य चाहत्यांचे विरोधी संघाच्या समर्थकांशी प्रत्यक्षात आणि सोशल मीडियावर हमरीतुमरी चालूच असते. टीम इंडियाचे खंदे समर्थक बच्चन यांचे क्रिकेट प्रेम तर जगजाहीर आहे. मग कोणी जर आपल्या टीमच्या खेळाडूला कमी लेखत असेल तर, बच्चन कसे शांत राहणार?याची सुरूवात झाली ती फ्लिंटॉफच्या एका खोडसाळ ट्विटने. आॅस्ट्रेलियाविरोधात झालेल्या सामान्यात विराट कोहलीच्या असामान्य खेळीनंतर सर्वत्र कौतुकाचा वर्षाव होत असताना फ्लिंटॉफने ट्विट केले की, अशा प्रकारे जर का कोहली खेळत राहिला तर तो इंग्लंडचा स्टार खेळाडू जो रूटला गाठू शकतो.