शूजित सरकार यांच्या 'गुलाबो सिताबो' सिनेमाचे शूटिंग सध्या सुरु आहे. हा एक कॉमेडी सिनेमा असून यात अमिताभ बच्चन महत्वाच्या भूमिकेत दिसणार आहेत. 'पीकू'नंतर दुसऱ्यांदा ते शूजित सरकार यांच्यासोबत काम करतायेत. 'पीकू' सिनेमाने बॉक्स ऑफिसवर चांगला गल्ला जमावला होता. गुलाबो सिताबोमधील बिग बी यांचा फर्स्ट लूक आऊट झाला आहे. हा फोटो पाहून अमिताभ बच्चन यांना ओळखणं ही कठीण झाले आहे.
बिग बी आयुष्मान शिवाय इम्रान हाश्मीसोबत 'चेहरे' सिनेमात दिसणार आहे. 'चेहरे' हा सिनेमा २१ फेब्रुवारी, २०२० ला प्रेक्षकांच्या भेटीला येणार आहे. या चित्रपटात क्रिती खरबंदा, रिया चक्रवर्ती, सिद्धांत कपूर, अन्नू कपूर व रघुवीर यादव हे कलाकार मुख्य भूमिकेत दिसणार आहेत.