सनी देओल स्टारर 'बॉर्डर २' सध्या बॉक्स ऑफिसवर धुमाकूळ घालत आहे. या चित्रपटाने केवळ कमाईचेच रेकॉर्ड मोडले नाहीत, तर प्रेक्षकांना भावुक करण्यातही यश मिळवले आहे. आता या चित्रपटाबाबत एक मोठी आणि रंजक माहिती समोर आली आहे. चित्रपटाच्या एका खास सीनसाठी अभिनेता अक्षय खन्ना पुन्हा मोठ्या पडद्यावर दिसला आहे. अक्षय खन्नाला पाहताच चाहत्यांनी थिएटरमध्ये एकच जल्लोष केला आहे.
१९९७ मध्ये आलेल्या 'बॉर्डर' चित्रपटात अक्षय खन्नाने 'धर्मवीर' ही अविस्मरणीय भूमिका साकारली होती. 'बॉर्डर २' मध्ये निर्मात्यांनी चित्रपट संपल्यावर अक्षय खन्नाला पुन्हा मोठ्या पडद्यावर आणलं आहे. सनी देओल जेव्हा आपल्या सहकाऱ्यांना मानवंदना देत असतो तेव्हा त्याला त्याच्या जुन्या सहकाऱ्यांची आठवण येते असं दृश्य आहे. त्या दृश्यात अक्षय खन्ना पुन्हा मोठ्या पडद्यावर दिसतो. केवळ अक्षयच नव्हे तर 'बॉर्डर'मधील सुनील शेट्टी, सुदेश बेरी, पुनीत इस्सार यांचीही झलक मोठ्या पडद्यावर दिसते.
सनी देओलची प्रमुख भूमिका असलेल्या 'बॉर्डर २'ने अवघ्या तीन दिवसांत १२१ कोटींहून अधिक कमाई केली आहे. चित्रपटात वरुण धवन, दिलजीत दोसांझ आणि अहान शेट्टी यांच्याही महत्त्वाच्या भूमिका आहेत. अनुराग सिंगने या सिनेमाचं दिग्दर्शन केलं आहे. १९७१ च्या भारत-पाकिस्तान युद्धावर हा सिनेमा आधारीत आहे.
Web Summary : Akshay Khanna's cameo in 'Border 2' sparks excitement. The film revisits actors from the original 'Border,' including Sunil Shetty, creating a nostalgic moment for audiences. 'Border 2', starring Sunny Deol, earns over ₹121 crore in three days.
Web Summary : 'बॉर्डर 2' में अक्षय खन्ना की झलक ने उत्साह जगाया। फिल्म में सुनील शेट्टी सहित मूल 'बॉर्डर' के कलाकारों को फिर से दिखाया गया है, जिससे दर्शकों के लिए एक पुरानी यादें ताजा हो गईं। सनी देओल अभिनीत 'बॉर्डर 2' ने तीन दिनों में ₹121 करोड़ से अधिक की कमाई की।