बीटाऊनमध्ये कलाकारांच्या मानधनाची नेहमीच चर्चा असते. आजकाल मोठे स्टार्स तर अव्वाच्या सव्वा मानधन आकारतात. आधी बजेटनुसार कलाकारांचं मानधन ठरायचं. पण आता मानधनावरुन बजेट ठरत आहे. त्यातच मोठा स्टार असेल तर आज तो १०० कोटींच्या घरातही मानधन घेत आहे. नुकतंच एका अभिनेत्याने या सिस्टीमवर नाराजी व्यक्त केली आहे.
बऱ्याच वर्षांनी पुन्हा स्क्रीनवर आलेला आमिर खानचा भाचा इमरान खान सध्या चर्चेत आहे. 'हॅपी पटेल' सिनेमात तो दिसत आहे. ईटाइम्सला दिलेल्या मुलाखतीत इमरान खान म्हणाला, "जर मला दिसतंय की माझा सिनेमा बनवण्यासाठी मला ३० कोटी रुपये लागणार आहे तर ती तुमची प्रोडक्शन कॉस्ट असते. आणि त्यात जर मी म्हटलं की मी ४० कोटी मानधन घेईन तर सिनेमाचं बजेट ७० कोटी होईल."
तो पुढे म्हणाला, "आता नफा कमावण्याचा मार्ग कोणता राहिला? मला याची पर्वा आहे का? मी खरं तर याचा विचार करायला हवा. हा माझा सिनेमा आहे. मला वाटतं की या सिनेमात चांगला सिनेमा बनण्याची क्षमता आहे म्हणून सुरुवातीलाच कमी मानधन घ्या. नशीब आजमावून बघा. जर कोणी असं केलं तर तो खरा स्टार."
"मामा आमिर खानचीही हीच पद्धत आहे. त्यांनी कधीच अॅडव्हान्स फी नाही घेतली. ते कधीच ६० कोटी किंवा ७५ कोटी मानधन घेत नाहीत. हा वेडेपणा आहे. तुम्ही तुमच्याच सिनेमाला नुकसान पोहोचवता. स्वत:च्याच सिनेमाचा फायदा घेता आणि सिनेमाच्या किंमतीवर स्वत: श्रीमंत होता. याचा अर्थ तुमचा सिनेमावर विश्वासच नाही असाही होतो", असंही तो म्हणाला.
Web Summary : Imran Khan criticizes actors demanding exorbitant fees, harming film budgets. He highlights Aamir Khan's approach of prioritizing film success over upfront earnings, advocating for shared risk and believing in the project's potential for profit. He is returning to the screen after a long time.
Web Summary : इमरान खान ने भारी फीस मांगने वाले अभिनेताओं की आलोचना की, जिससे फिल्म बजट प्रभावित होता है। उन्होंने आमिर खान के फिल्म की सफलता को प्राथमिकता देने के दृष्टिकोण पर प्रकाश डाला, जोखिम साझा करने और परियोजना की लाभ क्षमता में विश्वास की वकालत की। वह लंबे समय बाद पर्दे पर वापसी कर रहे हैं।