हिंदी व मराठी सिनेसृष्टीत आपल्या अभिनयानं सर्वांच्या मनावर अधिराज्य गाजवणारी अभिनेत्री अमृता खानविलकर सोशल मीडियावर अॅक्टीव्ह असते. अमृता 'खतरों के खिलाडी १०'मध्ये दिसणार आहे. या शोचे अँकरींग दिग्दर्शक रोहित शेट्टी करणार आहे. या शोच्या शूटिंगला लवकरच सुरूवात होणार आहे. या शोमध्ये सहभागी होणारे सेलिब्रेटीज शुटिंगसाठी जाण्यासाठी रवाना झाले आहेत. हे खुद्द अमृताने इंस्टा स्टोरीच्या माध्यमातून सांगितलं आहे.
रोहित शेट्टीचा एडव्हेंचर रिएलिटी शो खतरों के खिलाडी १० च्या शूटिंगला सुरूवात होणार असून या शोमध्ये १४ सेलिब्रेटीज बल्गेरियाला पोहचले आहेत. खतरों के खिलाडीमध्ये करण पटेल, अदा खान, करिश्मा तन्ना, आर जे मलिश्का, कोरियोग्राफर धर्मेश व काही सेलिब्रेटी दिसणार आहेत. १ ऑगस्टला सर्व सेलिब्रेटी बल्गेरियाला रवाना झाले. या सेलिब्रेटींनी ही माहिती आपल्या चाहत्यांना सोशल मीडियावर दिली आहे.
खतरों के खिलाडी १८ जानेवारी पासून सलमान खानचा बिग बॉसचा तेरावा सीझन संपल्यानंतर प्रसारीत होईल.